बैराज
बैराज (Barrage, बॅराज) एक किसिम के कम ऊँचाई वाला, गेटदार बंधा होला जे नदी के पानी के कंट्रोल करे आ दुसरे ओर मोड़े के मकसद से बनावल जाला। बड़हन बाँध चाहे बन्हा सभ से ई अलग किसिम के होखे ला काहें कि उनहन के मकसद पानी के रोक के बड़ियार झील नियर रिजर्वायर बनावल होला आ एह पानी से बिजली इत्यादि के उत्पादन भी होला आ नहर भी निकले ले; जबकि बैराज सभ खाली पानी रोके लें आ नदी के दुसरे धारा भा नहर में पानी के मोड़ देलें। एही कारन इनहन के डाइवर्जन डैम भी कहल जाला। एकर संरचना गेटदार होखल भी एगो खास बिसेस्ता हवे काहें कि जहाँ बंधा में कुछ गेट होखे लें बैराज में लगभग सारा बंधवे गेट नियर होखे ला।
