बन

स्विट्जरलैंड में पहाड़ी बन

बन अइसन बिसाल इलाका के कहल जाला जहाँ पेड़ पौधन के बहुलता होखे। एकरे अलावा अउरी कई तरह के परिभाषा दिहल जाला जेह में फेड़ के घनापन, फेड़न के लंबाई, कानूनी स्थिति या दर्जा, इकोलॉजिकल सेवा इत्यादि के आधार बनावल गइल बाटे। बहुत प्रचलित खाद्य आ खेती ऑर्गेनाइजेशन के परिभाषा के हिसाब से, दुनिया के चार बिलियन हेक्टेयर (150 लाख बर्गमील) या लगभग 30 % जमीनी हिस्सा पर 2006 में बन के बिस्तार रहल

सामाजिक महत्व

बन के मनुष्य खातिर कई रूप में महत्व बाटे - आमतौर पर ई पर्यावरण आ इकोलॉजी के हिसाब से कुछ सेवा प्रदान करे ला, जइसे कि ऑक्सीजन इत्यादि। आर्थिक रूप से इनहन के बहुत महत्व बा आ कई ठे उद्योग खातिर कच्चा माल बन से मिले ला, बहुत सारा इस्तमाल खातिर लकड़ी आ अन्य बन से उपजे वाला चीज मिले ला। आर्थिक रूप से बन से हासिल होखे वाला चीजन के बन संसाधन भी कहल जाला।

इहो देखल जाय

• पर्यावरण
• जंगल
• जीवभूगोल