आर्मी ऑफ़ द डेड

आर्मी ऑफ़ द डेड (अंगरेजी: Army of the Dead; माने: मुरदा के सेना) एगो अमेरिकी जॉम्बी फिल्म हऽ जेकर निर्देशन ज़ैक स्नायडर कइले बाड़न। एकर कथा शे हैटन आ जॉबी हैरोल्ड के लीखल हऽ। एह फिल्म मे बटिस्टा, इला पर्नेल, ओमरी हार्डविक, एना डेला रेगुएरा, थिओ रॉसी, नोरा आर्नेज्डर, हिरोयुकी सनादा, टिग नोटारो, रोल कैस्टिलो, हुमा कुरैशी आ गैरेट दिल्लहंट लेखा कलाकार लोग काम कइले बा।

एह फिलिम के बनावे के घोसना 2007 मे हो गइल रहे, बाकिर बने मे बहुते साल लागल, 2019 मे नेटफ्लिक्स एकर सवसे अधिकार कीन लिहलस। ओकरा बाद ज़ैक स्नायडर के निर्देशक बनावल गइल। फिलिम के सुटींग 2019 मे चालू भइल। एह फिलिम के 14 मई 2021 के अमेरिका के थिएटर आ नेटफ्लिक्स प रिलीज कइल गइल।