पिछोला झील
टेम्पलेट:Infobox body of water पिछोला झील भारतीय राज्य राजस्थान के उदयपुर शहर में एगो बनावटी झील बाटे। एकर निर्माण 1362 में भइल आ ई साफ पानी के झील हवे। एकर नाँव एकरे बगल के गाँव पिछोला के नाँव पर रखल गइल।[१][२] ई उदयपुर शहर के आसपास मौजूद कई ठे झील सभ के झुंड के हिस्सा हवे जिनहन के निर्माण कई सौ साल में भइल जवना से कि शहर में पिए के पानी आ सिंचनी खातिर पानी के बेवस्था हो सके। एही झीलवे में जग मंदिर आ जग निवास नाँव के दू गो भवन दीप पर मौजूद बाड़ें जहाँ से एह झील के अलग-अलग हिस्सन के खुबसूरती के नजारा कइल जा सके ला।[१][३]