भारतीय रुपिया

टेम्पलेट:Infobox currency भारतीय रुपिया (चीन्हा: ₹; कोड: INR), भारत गणतंत्र के ऑफिशियल करेंसी हवे। एक रुपिया के 100 पइसा में बाँटल जाला, हालाँकि, 25 पइसा या एकरा से कम कीमत के पइसा वाला सिक्का साल 2011 के बाद से अब लीगल टेंडर नइखे रह गइल। एह करेंसी के नियंत्रण भारतीय रिजर्व बैंक करे ला। रिजर्व बैंक ऑफ इंडिया एक्ट, 1934 से रिजर्व बैंक के भारतीय करेंसी के नियंत्रण आ ब्यवस्थापन के अधिकार मिलल हवे। एकर नाँव "रुपिया" सुल्तान शेर शाह सूरी के जारी कइल चानी के सिक्का, जवना के रुपिया कहल जाव, के नाँव पर पड़ल हवे।

साल 2010 में, एक ठो नया चीन्हा आधिकारिक तौर पर अंगीकार कइल गइल। ई चीन्हा देवनागरी लिपि के "र" अक्षर आ रोमन "R" (आर) के मिलल जुलल रूप हवे। ऊपर दू गो पट रेख बाड़ी जिनहन से भारत के तिरंगा झंडा के भान होखेला। एह चीन्हा वाला सिक्का सभ के पहिली लाट आठ जुलाई 2011 से चलन में आइल।

8 नवंबर 2016 के मोदी सरकार के एक ठो बड़ फैसला में पुरान 500 आ 1000 रुपिया के नोटबंदी के घोषणा कइल गइल आ ई ओही रात से लागू क दिहल गइल। एकर कारण, काला धन पर रोक लगावल, बतावल गइल। बाद में कैशलेस अर्थब्यवस्था के ओर आगे बढ़े खातिर उठावल गइल कदम के रूप में एह नोटबंदी के परचार कइल गइल। एही के बाद पुरनका 500 के जगह पर नया सीरीज के नोट आइल आ पहिली बेर 2000 रुपिया के नोट भी चलन में आइल। एह नया नोट सभ के डिजाइन छोट कीमत वाला नोट सभ पर भी लागू होखी।

शब्द

रुपिया शब्द के उत्पत्ती संस्कृत के रूप्यकम् से भइल बतावल जाला। रूप्यकम् के अरथ चानी के सिक्का होखे। वर्तमान समय के रुपिया के सीधा संबंध शेर शाह सूरी के चलावल चानी के सिक्का से बाटे जेकरा के रुपिया कहल गइल। मुगल लोग एकरा के एही नाँव से चलावल आ अंगरेजी राज में भी इहे परंपरा चलल चलि आइल।

बंगाल में रुपिया खातिर "टका" शब्द के इस्तेमाल होला। ई रुपिया के आम अरथ में इस्तेमाल होला, भले करेंसी कौनों भी होखे।

वर्तमान में चलन में नोट

वर्तमान में, 10 नवंबर 2016 तक ले, चलन में रुपिया के नोट सभ के लिस्ट नीचे दिहल गइल बाटे:

वर्तमान में चलन में नोट

Image		कीमत	साइज	मुख्य रंग	बिबरण			चलन क तारीख	चलन में
सामने	उल्टा				सामने	उल्टा	वाटरमार्क
चित्र:1 rupee bill historical.jpg	Error creating thumbnail: फाइल गायब बा	टेम्पलेट:INR1	97 × 63 mm	नीला	एक रुपिया के सिक्का	सागर सम्राट	अशोक स्तंभ	1994 / 2015	कम
चित्र:5 INR Obs LR.png	चित्र:5 INR Rev LR.png	टेम्पलेट:INR5	117 × 63 mm	हरियर	महात्मा गाँधी	ट्रैक्टर	महात्मा गाँधी	2002 / 2009	कम
चित्र:10 INR Obs LR.png	चित्र:10 INR Rev LR.png	[[10-रुपिया के भारतीय नोट|टेम्पलेट:INR10]]	137 × 63 mm	नारंगी-बैंगनी		गैंडा, हाथी, शेर		1996 / 2006	भरपूर
चित्र:20 INR Obs LR.png	चित्र:20 INR Rev LR.png	[[20-रुपिया के भारतीय नोट|टेम्पलेट:INR20]]	147 × 63 mm	लाल-नारंगी		माउंट हैरियेट, पोर्ट ब्लेयर		2001 / 2006	भरपूर
चित्र:50 INR Obs LR.png	चित्र:50 INR Rev LR.png	[[50-रुपिया के भारतीय नोट|टेम्पलेट:INR50]]	147 × 73 mm	बैंगनी		भारतीय संसद		1997 / 2005	भरपूर
चित्र:100 INR Obs LR.png	चित्र:100 INR Rev LR.png	[[100-रुपिया के भारतीय नोट|टेम्पलेट:INR100]]	157 × 73 mm	बीच में नीला-हरा, दूनों किनारे भूरा-बैंगनी		हिमालय परबत		1996 / 2005	भरपूर
चित्र:500 INR Obs 2016.jpg	चित्र:500 INR Rev 2016.jpg	[[500-रुपिया के भारतीय नोट|टेम्पलेट:INR500]]	150 × 66 mm	चट्टानी मटियाहूँ		लाल किला		2016	भरपूर
चित्र:2000 INR Obs 2016.jpg	चित्र:2000 INR Rev 2016.jpg	[[2000-रुपिया के भारतीय नोट|टेम्पलेट:INR2000]]	166 × 66 mm	मैजेंटा		मंगलयान		2016	भरपूर
टेम्पलेट:Standard banknote table notice