भूअर कानवाली बुलबुल
टेम्पलेट:Speciesbox भूअर-कानवाली बुलबुल (Brown-eared bulbul; Hypsipetes amaurotis) एक किसिम के बुलबुल हवे जे पूरबी एशिया में बहुतायत से मिले ले। ई पूरबी एशिया के मूल निवासी चिरई हवे आ अपने निवास क्षेत्र के उत्तरी हिस्सा में बहुत संख्या में मिले ले। ई सखालीन प्रायदीप से ले के फिलिपींस ले के इलाका के पावल जाले।
एकर लंबाई लगभग 28 सेमी (11 इंच) तक ले हो सके ले, ई मटियाहूँ-भूअर रंग के होले आ एकरे कान के लगे भूअर रंग के चकत्ती होला, छोटहन नोकीला मुकुट होला आ लमहर पोंछ होले। ई जंगल के चिरई हवे जे घन पेड़ सभ के बीचा में रहे ले, हलाँकि, बागान, पार्क आ बगइचा सभ में भी देखल जा सके ले। गर्मी के एकर मुख्य भोजन छोट किरौना होलें जबकि जाड़ा में ई मुख्य रूप से फल आ दाना खा के रहे ले।
संदर्भ संपादन करीं
बाहरी कड़ी संपादन करीं
- Brown-eared bulbul at Avibase
- Damage to Crops by Birds study at Okinawa University