मेगन मार्कल

टेम्पलेट:Infobox person मेगन मार्कल (टेम्पलेट:Lang-en; जनम 4 अगस्त 1981) एगो अमेरिकी ऐक्ट्रेस बाड़ी। मार्कल के बियाह ब्रिटेन के राजकुमार हैरी के साथे, 19 मई 2018 के होखे वाला बा जेकरे बाद ई ब्रिटिश राजघराना के सदस्य बन जइहें।

मार्कल के जनम आ लालन-पालन कैलिफोर्निया के लॉस एंजेलिस में भइल हवे। ई नार्थवेस्टर्न यूनिवर्सिटी से पढ़ाई कइले हई आ साल 2003 में इहाँ से थियेटर आ इंटरनेशनल स्टडीज में डिग्री लिहले हई। पढ़ाई पूरा करे के बाद मार्कल कई गो टीवी धारावाहिक सभ में एक्टिंग कइली। साल 2011 से 2018 ले, सुइट्स नाँव के सीरियल में, सात गो सीजन भर, रैचल जेन के रोल कइली। इनके फिलिम कैरियर में रेमेंबेर मी आ हौरिबल बौसेस सामिल बा। साल 2017 में इनके सगाई राजकुमार हैरी के साथे भइल आ ई अपना एक्टिंग कैरियर से संन्यास के घोषणा क दिहली।

सुरुआती जिनगी

रैचल मेगन मार्कल के जनम 4 अगस्त 1981 के लॉस एंजेलिस, कैलिफोर्निया में भइल। इनके महतारी, डोरिया लोइस रैगलैंड, एगो सामजिक कार्यकर्त्ता आ योग सिखावे वाली हई, कैलिफोर्निया के व्यू पार्क-विंडसर हिल्स में रहे ली। इनके पिता थॉमस मर्कल सीनियर, मैक्सिको में रहे लें, रिटायर लाइटिंग डाइरेक्टर (फिलिम इंडस्ट्री) हवें आ ई डेटाइम एमी अवार्ड जीत चुकल बाड़ें, इनही के साथे इनके बेटी मेगन मार्कल मैरीड... विथ चिल्ड्रेन के सेट पर जायँ। मार्केल के महतारी-बाप लोग तलाक ले लिहल जब ई छह बरिस के रहली। इनके भाई-बहिन में थॉमस मार्कल जू. आ सामंथा ग्रांट बा लोग जे इनके पिता के संतान हवे, दुसरे महतारी से।