सफेद गिद्ध

टेम्पलेट:Taxobox सफेद गिद्ध भा मिस्रदेसी गिद्ध (टेम्पलेट:Lang-en, इजिप्शियन वल्चर; बैज्ञानिक नाँव: Neophron percnopterus) चिरइन के गिद्ध समूह के एगो प्रजाति बाटे। ई पुरानी दुनिया के गिद्ध हवे आ जीनस नियोफ्रौन (Neophron) के एकलौता सदस्य बा। एकर निवास के इलाका बहुत ब्यापक बाटे आ पच्छिमी यूरोप आ उत्तरी अफ्रीका से भारत ले फइलल बाटे।

सफेद गिद्ध मुख्य रूप से लाश के माँस खाला बाकी मौका मिलले पर ई छोट-छोट स्तनधारी, छोट चिरई, रेप्टाइल इत्यादि के शिकार भी करे ला। दूसर चिरई सब के अंडा भी खा लेला, बड़ा होखला पर ओकरा के पत्थर पर पटक-पटक तूर देला। चिरई सभ के द्वारा औजार के अइसन उपयोग एगो दुर्लभ चीज बाटे। आपन खतोना बनावे के समय ऊन नियर चीज के लपेट के एकट्ठा करे खातिर ई लकड़ी के छोट डंडी सभ के औजार के रूप में इस्तेमाल करे ला।

समशीतोष्ण इलाका में रहे वाला सदस्य जाड़ा के मौसम में दक्खिन के ओर प्रवास करे लें जबकि उष्णकटिबंधीय आबादी अपने जगह पर स्थाई रहेले। एह प्रजाति के आबादी में 20 वीं सदी में काफी गिरावट आइल बाटे आ एकर मुख्य कारण शिकार, आकस्मिक विषाक्तता, आ बिजली लाइन के साथ टकराव बाटे जौना सभ से एह गिद्धन के खतरा होला।

रूपरंग संपादन करीं

Error creating thumbnail: फाइल गायब बा

एगो सफेद गिद्ध के क्लोज-अप, चिड़ियाघर में

Error creating thumbnail: फाइल गायब बा

Neophron percnopterus

एह प्रजाति के वयस्क सदस्यन के पाँख के रंग सफेद होला आ करिया रंग के उड़ान पंख होलें। जंगली सदस्य सभ में आमतौर पर सफेद पाँख के रंग मुर्चाइल लोहा के रंग के या भूअर रंग के छाया लिहले, कीचड़-कनई के रंग के होला जवना के कारण लौह युक्त मिट्टी से लागल गंदगी के बतावल जाल।टेम्पलेट:Sfn टेम्पलेट:Sfn चित्र में देखावल सदस्य चिड़ियाघर से बा एही से ई एकदम सफेद बा। ठोर पतला आ लंबा बाटे आ ऊपरी जबड़ा के नोक मोड़दार बा। नथुना, एगो पट दरार के रूप में बाटे। गर्दन के पंख भी लमहर होलें। उड़ान पाँख नोकदार होलें आ इनहन में तीसरा ग्रुप सबसे लमहर होला; पोंछ पाचर के आकार के होले। वयस्क के पैर गुलाबी आ लरिकाईं में पैर माटी के रंग के होला।टेम्पलेट:Sfn पंजा लमहर आ सीधा होलें, तीसरी आ चउथी अँगुरी अपने आधार के लग्गे कुछ झिल्लीदार होले।

चोंच के रंग अधिकतर प्रजाति में करिया होला जबकि भारतीय उप-प्रजाति (ginginianus) के वयस्क सदस्यन में पीयर रंग के होला। रासमुसेन आ एंडर्टन (2005) सुझाव देदेल बाटें की उप-प्रजाति के बर्गीकरण खातिर एह लच्छन के अउरी अध्ययन के जरूरत बाटे।टेम्पलेट:Sfn टेम्पलेट:Sfn आमतौर पर नर आ मादा में अंतर कइल मुश्किल होला, हालाँकि, नर अपने मिलन काल में कुछ गहिरा नारंगी चेहरा वाला होलें।टेम्पलेट:Sfn मादा के आकार औसतन कुछ बड़ा होला आ ई नर के तुलना में 10-15% भारी होली।टेम्पलेट:Sfn लरिकाईं में ई करिया आ चॉकलेट रंग के होलें आ सफेद धब्बा वाला होलेंटेम्पलेट:Sfn, जबकि वयस्क के रंग कम से कम पाँच बरिस के उमिर के बाद हासिल होला।टेम्पलेट:Sfn

वयस्क सफेद गिद्ध के पोंछ के पाँख के नोक से ठोर के नोक तक के लंबाई 47-65 सेंटीमीटर (19-26 इंच) नापल गइल बाटे।टेम्पलेट:Sfn तुलना में कुछ छोट आकार के N. P. ginginianus उप-प्रजाति के नर के आकार 47-52 सेंटीमीटर (19-20 इंच) आ मादा के आकार 52-55.5 सेंटीमीटर (20.5-21.9 इंच) के होला।टेम्पलेट:Sfnपाँख के फइलाव शरीर के कुल लंबाई के लगभग 2.7 गुना ले होला।टेम्पलेट:Sfn स्पेन में एह चिरई के वजन 1.9 किलोग्राम(4.2 पौंड) आ कैनरी द्वीप में पावल जाए वाली उप प्रजाति (majorensis gigantism) 2.4 किलोग्राम (5.3 पौंड) के भार वाली बतावल गइल बाटे।टेम्पलेट:Sfn

टेम्पलेट:Clear

फुटनोट संपादन करीं

टेम्पलेट:Reflist

संदर्भस्रोत आ अन्य स्रोत संपादन करीं

बाहरी कड़ी संपादन करीं

टेम्पलेट:Commons category टेम्पलेट:Wikispecies

टेम्पलेट:Vulture

टेम्पलेट:चिरई-आधार