सरस्वती सुपरक्लस्टर

टेम्पलेट:Infobox supercluster सरस्वती सुपरक्लस्टर एगो बहुते बिसाल आकार के गैलेक्सी सुपरक्लस्टर बा। आकास के नक्सानवीसी करे खातिर बनावल गइल रिफरेन्स सिस्टम स्लोन सर्वे के पट्टी नं. 82 में मौजूद ई सुपरक्लस्टर मीन नक्षत्र मंडल के दिसा में पड़े ला। एकर खोज भारतीय बैज्ञानिक लोग कइल आ हिंदू देवी सरस्वती के नाँव पर एकर नामकरण कइल।

एह सुपरक्लस्टर में बहुतन गो गैलेक्सी आ गैलेक्सी क्लस्टर बाने आ इनहन से मिल के एह में गैलेक्सी सभ के देवाल नियर बनावट मौजूद बा। एह सुपरक्लस्टर के बिस्तार लगभग 6 अरब प्रकाश वर्ष (600 मिलियन प्रवर्ष या 200 मेगापारसेक) आ एह में कम से कम 43 गो बिसाल-बिसाल गैलेक्सी क्लस्टर मौजूद बाने। ई पृथ्वी से 4,000 मिलियन प्रकाश वर्ष के दूरी पर स्थित बाटे।

खोज

सरस्वती सुपरक्लस्टर के खोज पुणे शहर में मौजूद इंटर-यूनिवर्सिटी सेंटर फॉर एस्ट्रोनामी एंड एस्ट्रोफिजिक्स आ इंडियन इंस्टीट्यूट ऑफ साइंस एजुकेशन एंड रिसर्च के टीम द्वारा फरवरी 2016 खोजल गइल। एह टीम में भारतीय बैज्ञानिक सोमक रायचौधुरी भी सामिल रहलें।