स्कार्लेट जोहानसन
स्कार्लेट जोहानसन (जनम: 22 नवंबर 1984) एगो अमेरिकी अभिनेत्री आ गवइया हई। बरिस 2018 आ 2019 मे इ दुनिया के सभसे बेसी दाम कमावे वाली अभीनेत्री रही। हीनकर नांव फोर्ब्स सेलेब्रिटी 100 मे कए बेरा आईल बाटे। हीनकर फिलिम सभ 1050 अरब रोपेया ले कमाई कइले बा हेकर संघे इनकरा के ढेर पुरस्कारो मिलल बा।
मैनहैटेन मे जनमल आ पोसाइल स्कार्लेट, लइकाईंए से अभिनेत्री बनल चाहत रही आ सभसे पहिले ऑफ ब्रोडवे के तमासा मे पाट कइली। इनकर पहिलका फिलिम नॉर्थ रहे जौन 1994 मे आइल रहे। मैनी एंड लो (1996), द हॉर्स विशपरर (1998) आ घोस्ट वर्ल्ड (2001) जइसन फिल्मन से इनकरा प्रसिद्धी भेंटाइल। 2003 मे लॉस्ट इन ट्रांसलेशन, मे आपन किरदारन से ई वयस्क किरदार कइल चालू कइली, जेकरा ला इनकरा सम्मान मिलल। एह सभ फिल्मन आ अ लव सॉन्ग फॉर बॉबी लॉन्ग (2004) आ मैच प्वाइंट (2005) मे करदार सभ ला इनकरा गोल्डन ग्लोब अवॉर्ड ला नामांकित कइल गइल।
सुरुआती जिनगी संपादन करीं
स्कार्लेट जोहानसन के जनम 22 नवंबर 1984 के न्यू यॉर्क मे भइल। इनकर पिता कर्स्टर ओलाफ जोहानसन कोपनहेगन के एगो आर्किटेक्ट हवन। इनकर आजा एंजर जोहानसन एगो इतिहासकार आ फिल्मकार रहन। इनकर माई न्यू यॉर्क मे एगो निर्देशक हइ। ई एगो यहूदी परिवार से आवेली।