स्पाइस जेट

स्पाइस जेट एगो कम लागत वाला विमान सेवा ह, जवन की भारत की गुडगाँव शहर में आइल बा। इ जुलाई 2016 में यात्री संख्या और 11.27% बाज़ार की हिस्सा की साथ भारत क चौथा नम्बर क विमानसेवा रहल ह। इ विमान कम्पनी दिल्ली आ हैदराबाद हब से 40 गंतव्य स्थान खातिर रोजाना क 279 उड़ान क संचालन करेले जे में 34 भारतीय और 6 अन्तर्राष्ट्रीय गंतव्य स्थान क उड़ान शामिल बा। इ कम्पनी आपन पहिला विमान सेवा मई 2005 में शुरू कइलस। 2010 में भारतीय मिडिया दिग्गज कलानिधि मारन सन ग्रुप की जरिए ए कम्पनी में नियंत्रक हिस्सा प्राप्त क लिह न। इ विमान कम्पनी बोईंग 737 विमान बेड़ा और 8गो बोम्बार्डियर डैश विमान की साथ सेवा संचालन करेला।

इतिहास

1984-1996: मोदीलुफ्ट

ए कम्पनी क शुरुआत मार्च 1984 में निजी एयर टेक्सी सेवा देवे खातिर भारतीय उद्योगपति एस. के. मोदी द्वारा शुरू कराईल रहे। 17 फरवरी 1993 के कम्पनी आपन नांव एम् जी एक्सप्रेस क लिहलस और जर्मनी की विमान कम्पनी लुफ्तांसा की साथ तकनीकी साझेदारी क शुरुआत कइलस। एकरी बाद ई विमान कम्पनी मोदीलुफ्ट नांव से यात्री और कार्गो सेवा दिहलस सन 1996 ले।

2005-2013: शुरुआत और विस्तार

2004 में, यूके की संस्थापक-निदेशक भूलो (भूपेंद्र) कंसाग्रा द्वारा ए कम्पनी क अधिग्रहण करा गईल, ओकरी बाद एकर शुरुआत कम लागत वाला विमान सेवा की तौर प कराइल। सन 2005 में इ कम्पनी दुगो बोईंग 737-800 विमान से शुरुआत कइलस। एकर पहिला उड़ान 24 मई 2005 के दिल्ली से मुम्बई खातिर रहे। इ विमान कम्पनी जुलाई 2010 में 30गो बोईंग 737-800 विमान और दिसम्बर 2010 में 15गो बोम्बार्डियर खरीदले क आदेश दिहलस।

2012 में स्पाइस जेट के बढ़त तेल की कीमत और लगातार प्रबन्धन की पुनर्संरचना की चलते, रुपया 390 मिलियन क घाटा उठावे के पड़ल। 9 जनवरी 2012 के नागरिक उड्डयन महानिदेशालय सूचना दिहलस की स्पाइस जेट की साथ साथ देश क कईगो विमान कम्पनी विमान संचालन क गुणवत्ता बरकरार रखे खातिर जरुरी रिकॉर्ड नइखे रखले। बोम्बे स्टॉक एक्सचेंज इ घोषित कइलस की जून 2011 से स्पाइस जेट नुकसान में चल ता। 2012 में कलानिधि मारन एमें 1 बिलियन रूपया लगा के आपन हिस्सा बढ़ा लिह न।

कॉर्पोरेट मामला

स्पाइस जेट क हेड ऑफिस गुडगाँव में आइल बा। अजय सिंह जनवरी 2015 से एकर एमडी आ सीईओ की तौर पर काम संभालत न। ए विमान कम्पनी क लोगो में 15गो बिंदी 5गो 5गो क के 3 लाइन में व्यवस्थित कइल बा। स्पाइस जेट अपनी सब विमानन क नांव भारत की मसालन की नांव प धइले बा।

गंतव्य स्थान

अगस्त 2016 ले, गो एयर भारत में प्रतिदिन 306 उड़ान की साथ कुल 35 भारतीय और 6 अन्तर्राष्ट्रीय गंतव्य स्थान पर सेवा देत रहल ह। 5 साल की उड़ान सेवा की बाद एके 7 सितम्बर 2010 के अन्तर्राष्ट्रीय विमान सेवा शुरू कइले क इजाजत मिलल। 7 ऑक्टोबर 2010 के इ दिल्ली से काठमांडू और चेन्नई से कोलम्बो उड़ान की साथ आपन पहिला अन्तर्राष्ट्रीय विमान सेवा क शुरूआत कइलस।

बेड़ा

अगस्त 2016 ले स्पाइस जेट बोईंग 737-800 और बोम्बार्डियर क्यू400 विमानन की साथ उड़ान सेवा संचालन करत रहल ह।

सेवा आ सुविधा

कम लागतवाला विमान सेवा होखले की नाते, स्पाइस जेट इकोनॉमी श्रेणी और स्पाइसमेक्स श्रेणी (अधिक जगह, प्रीमियम इकोनॉमी) खाना की सुविधा की साथ 186 यात्री क्षमता प्रति विमान की साथ संचालन करेला। आपन लागत कम रखे खातिर स्पाइस जेट उड़ान की दौरान पूरक भोजन उपलब्ध करवले की जगह एके खरीदले क विकल्प देला। इ कम्पनी कौनो फ्रीक्वेंट फ्लायर कार्यक्रम नाहीं चलावेला और उड़ान की दौरान कौनो मनोरंजन क सुविधा नाहीं देला।