एनडीटीवी इंडिया
टेम्पलेट:Infobox TV channel एनडीटीवी इंडिया (NDTV India) एक ठो भारतीय हिंदी समाचार चैनल बा जे एनडीटीवी द्वारा संचालित कइल जाला। मशहूर पत्रकार बिनोद दुआ आ रवीश कुमार के नाँव एह चैनल से जुड़ल बा।[१] जून 2016 में एनडीटीवी द्वारा यूनाइटेड किंगडम में दू गो चैनल सुरू करे के फैसला लिहल गइल - एनडीटीवी इंडिया आ एनडीटीवी स्पाइस।[२]
इतिहास[संपादन करीं | स्रोत संपादित करीं]
एनडीटीवी के सुरुआत प्रणब रॉय[३] आ राधिका रॉय द्वारा एक ठो समाचार उत्पादक के रूप में भइल। 1988 में एनडीटीवी द्वारा दूरदर्शन खातिर एक ठो प्रोग्राम "दि वल्ड दिस वीक" के निर्माण कइल गइल आ इ बहुत सफल भइल। एकरा बाद ई एक ठो प्राइवेट समाचार उत्पादक के रूप में स्थापित हो गइल।
सन 2003 में ई एक ठो नया 24x7 समाचार चैनल एनडीटीवी, अंगरेजी में, सुरु कइलस आ अइसने चैनल हिंदी में।
पठानकोट हमला पर रिपोर्टिंग[संपादन करीं | स्रोत संपादित करीं]
2016 में भइल पठानकोट हमला के रिपोर्टिंग के ले के एनडीटीवी के सूचना प्रसारण मंत्रालय द्वारा कारण बताओ नोटिस जारी कइल गइल।[४] एही में ई कहल गइल कि टीवी चैनल द्वारा स्ट्रेटेजिक रूप से सम्बेदनशील जानकारी के प्रसारण कइल गइल, आ एकरा खातिर 9 नवंबर के एक दिन खातिर चैनल के ऑफ एयर (एक दिन खातिर प्रसारण पर रोक) कइल जाई।[५]