ओमप्रकाश राजभर

टेम्पलेट:Infobox Indian politician ओमप्रकाश राजभर एगो भारतीय राजनीतिक नेता बाड़ें आ उत्तर प्रदेश के सतरहवीं बिधानसभा में एमएलए आ वर्तमान सरकार में कैबिनेट मंत्री बाड़ें। राजभर गाजीपुर जिला के जहूराबाद बिधानसभा क्षेत्र से एमएलए हवें आ ई सुहेलदेव भारतीय समाज पार्टी के अध्यक्ष भी हउवें, पार्टी आज्काल्ह भाजपा के साथे गठबंधन में बा। गठबंधन "एकता मंच" के ई नेता भी हवें जेकर हिस्सा इनके पार्टी भासपा भी भा।

राजनितिक कैरियर

ओमप्रकाश राजभर अपना राजनीतिक जिनगी के सुरुआत कांशीराम के साथे 1981 में कइलेन आ बहुजन समाज पार्टी के नेता रहलें। बाद में, साल 2001 में बसपा सुप्रीमो मायावती से इनकर बिबाद भइल आ ई आपन अलगा पार्टी बना लिहलें। नया पार्टी के नाँव भारतीय समाज पार्टी (भासपा) रखलें। इनके पार्टी साल 2004 से यूपी आ बिहार में चुनाव लड़ रहल बा बाकी 2017 से पहिले एह उमेदवार लोग के भूमिका दुसरे बड़ पार्टी सभ के खेल बिगाड़े वाला भर रहल।

साल 2017 के बिधान सभा चुनाव में भासपा के गठबंधन भारतीय जनता पार्टी के साथे भइल आ ई चार गो सीट प जीत पवलस जेह में खुद ओमप्रकाश राजभर भी सामिल बाने आ ई गाजीपुर के जहूराबाद से जीत हासिल कइलेन।

19 मार्च 2017 के राजभर योगी मंत्रिमंडल में कैबिनेट मंत्री बनावल गइलेन आ इनके पिछड़ा बर्ग कल्याण आ बिकलांग कल्याण बिभाग के कार्यभार दिहल गइल बा।

पद धारण कइलेन

#	से	तक	पोजीशन	टिप्पणी
01	2017	पद पर	सदस्य, 17वीं बिधानसभा

इहो देखल जाव

• उत्तर राज्य बिधानसभा