कील नहर

टेम्पलेट:Infobox canal कील नहर जेकरा के पहिले केसर-विल्हेम-कनाल के नाँव से जानल जाय, 98 किमी लमहर साफ़ पानी के नहर बा जे जर्मनी देस के श्लेश्विग-होलस्टीन राज्य में बाटे। ई नहर 1895 में बन के पूरा भइल, बाकी बाद में एकरा के चाकर कइल गइल, आ ई उत्तर सागर के ब्रूंसबूटेल में आ बाल्टिक सागर के कील-होल्टेंनाउ में जोड़े ले। औसतन टेम्पलेट:Convert के दूरी बच जाला अगर कील नहर से हो के गुजरल जाय बजाय कि जटलैंड प्रायदीप के चक्कर मार के इहे जात्रा कइल जाय। एह तरीका से खाली भर दूरी आ समय के बचत भर ना होखे ला बलुक जहाज तूफान वाला समुन्द्र से हो के गुजरे से भी बच जालें आ डैनिश जलजोड़ से हो के गुजरे से भी बच जालें।

कील नहर दुनिया के कुछ सभसे चलनसार बनावटी जलमार्ग हवे आ एह नहर से औसतन हर साल 32,000 (90 जहाज रोज) गुजरे लें आ लगभग 100 मिलियन टन (10 करोड़ टन) माल ढोवे लें। उत्तर सागर आ बाल्टिक सागर के जोड़े के अलावा ई ओल्डेनबूटेल के लगे ईडर नदी से भी गीसेलू नहर द्वारा जुड़ल बाटे।