दुर्गा
दुर्गा (संस्कृत: दुर्गा, अरथ:"जे के जीतल न जा सके"[१]) हिंदू धर्म में एगो देवी हई जे शक्ति के रूप मानल गइल हई।[२] शाक्त शाखा के लोग दुर्गा के सृष्टि के रचना, पालन आ बिनास तीनों के मूल शक्ति की रूम में पूजे ला। कथा की मोताबिक महिषासुर के मारे खातिर ब्रम्हा, विष्णु, शिव, आ अउरी सगरी देवता लोगन के शक्ति मिल के एगो देवी के रूप लिहलस जिनका के दुर्गा या महिषासुरमर्दिनी कहल जाला। कथा में इहो बर्णन मिलेला की जब-जब खराब ताकतन के धरती पर उत्पत्ती होखेला तब देवी कौनों रूप धारण कइ के अवतार लेली।