घाम

पेड़ सभ के बीचे से आवत घाम, युकरेन

घाम सूरूज से निकरल अँजोरिया के कहल जाला, बेसी बैग्यानिक भासा मे कहल जाव तऽ घाम विद्युतचुम्बकीय बिकिरन के एगो हिस्सा हटे जे सूरूज से निकरेला। घाम मे दु परकार के किरिन होले, एगो जेकरा हमनी के देख सकेनीजा आ एगो जेके ना देख सकीं जा। एमे कवनो कवनो किरिन अईसन होला जे देहि के हारजा करेला बाकिर पिरथवि प आवे से पहिले ई सभ किरीन छना जाला।

घाम के सूरूज के सतह से धरती ले पहुँचे मे 8.3 मिनट लागेला। सूरूज के बीचे से ओकर सतह ले आवे के मे घाम के दस हजार से एक लाख सत्तर हजार बरिस ले लाग जाला।

गांछ सभ के खाना बनावे मे घाम मे बहुते जोगदान होला।

नापल

घाम केतना काड़ बा ई नापे ला "सनसाइन रिकॉर्डर", पाइरेनोमीटर, पाइरहेलियोमीटर नांव के जंत्र सभ के परजोग होला।

धरती प जिनगी

धरती प के मय जीव सभ के जिनगी घाम के चलते चलेला। गाँछ सभ सूरूज के घाम, कार्बन डाइऑक्साइड गैस आ पानी के मिला चीनी (ग्लूकोज) बनावेलऽसन, एह काज के फोटोसिंथेसिस कहल जाला। एही बनल चीनी बाकि जीव सभ लेवेलऽसन आ एकरे प जींदा रहेलऽसन। आम भासा मे कहल जाव तऽ सूरूज के घाम के अंदर के तागत के लेके पेड़ सभ आपन फल बनावेलऽसन आ ओह फल के खा के जीव जंतु सभ ओह तागत के अपना भीतर लेवेलऽसन।