बेसाल्ट

टेम्पलेट:Infobox rock बेसाल्ट चाहे बॅसाल्ट (टेम्पलेट:Lang-en) एगो अगिनचट्टान हवे जे मैग्नीशियम आ लोहा के बहुलता वाला पघिलल लावा के धरती के सतह पर आ के जमे से बने ले। एह तरीका से ई मैफिक आ एक्स्ट्रूसिव आग्नेय चट्टान हवे। पृथ्वी पर जेतना ज्वालामुखीय चट्टान बा ओकर लगभग 90% बेसाल्ट हवे मने कि ई सभसे आम ज्वालामुखीय चट्टान हवे। बेसाल्ट के लावा के विस्कासिटी कम होखे ले काहें कि एह में सिलिका के मात्रा कम होला, एही कारण ई लावा तेजी से बहे ला आ बहुधा बिसाल एरिया में फइल जाला।

मैफिक होखे, मने कि मैग्नीशियम आ लोहा के मजिगर मात्रा होखे के कारन ई चट्टान गहिरा रंग के होखे लीं। लोहा के कण सभ वाला खनिज के बहुतायत के कारन बेसाल्ट के क्षरण (वेदरिंग) तेजी से होखे ला काहें कि लोहा वाला तत्व के आक्सीकरण होखे ला। एकरे कारन ई चट्टान भूअर आ ललछाहूँ रंग के हो जालीं। धरती पर बाहर आ के लावा के जमे के कारन एह चट्टान सभ में रवा भा दाना ना मिले ला। अगर दानेदार संरचना भी होखे तबो बहुत महीन दाना पड़े लें जे नंगी आँख से देखलाई ना पड़े लें (अफैनाइटिक चट्टान)।