स्विस आल्प्स

स्विट्जरलैंड में मौजूद अल्पाइन इलाका के स्विस आल्प्स भा स्विस ऐल्प्स के रूप में जानल जाला। ई स्विस पठार आ जूरा परबत के साथे मिल के स्विट्जरलैंड के तीन गो प्रमुख भौतिक प्रदेश में से एक हवे। एकर बिस्तार पच्छिमी आल्प्स आ पूरबी आल्प्स दूनों पर बा आ एही कारन कभीकभार एकरा के सेंट्रल आल्प्स भी कह दिहल जाला। जहाँ एक ओर एकर उत्तरी बर्नीज आल्प्स से ले के अपेंजेल आल्प्स तक के परबत श्रेणी सभ पूरा तरीका से स्विट्जरलैंड देस के सीमा के भितरें पड़े लीं, ओहिजे एकर दक्खिनी श्रेणी सभ जिनहन में मोंट ब्लांक मैसिफ़ से ले के बर्नीना मैसिफ़ शामिल बाड़ें, फ्रांस, इटली, ऑस्ट्रिया आ लिख्स्तेंटाइन के साथे सीमा सझिया करे लीं।

स्विस आल्प्स से यूरोप के प्रमुख नदी राइन के उदगम होखे ला।