तेजपुर

टेम्पलेट:Infobox settlement तेजपुर (Tezpur) भारतीय राज्य आसाम के बिचला-उत्तरी हिस्सा में ब्रह्मपुत्र नदी के उत्तरी तीरे पर बसल एगो माझिल साइज के शहर बा। ई शहर आसाम के राजधानी गुवाहाटी से लगभग टेम्पलेट:Convert उत्तर-पूरुब ओर बसल बा आ सड़क, रेल आ हवाई मार्ग से जुड़ल शहर बा। शहर ब्रह्मपुत्र आ उत्तर ओर से आ के एह में मिले वाली कामेंग नदी के संगम पर बसल बा आ कामेंग नदी एह शहर के पूरुब से बहे ले। शहर में अंदरूनी टोपोग्राफी ऊँच-नीच बा आ कई गो पहाड़ीनुमा जगह बा आ कई गो झील बाड़ी सऽ।

मध्य आसाम के ई एगो महत्वपूर्ण शहर हवे आ इहाँ के जनसंख्या 100,000 से ऊपर बा। ई एह बिचला इलाका के प्रमुख प्रशासनिक, बानिज्यिक आ शिक्षा के केंद्र बा। एकरे अलावा मलेटरी हिसाब से भी ई महत्व के शहर बा आ इहाँ भारत के प्रमुख सैनिक हवाई अड्डा बाटे आ आइटीबीपी के बेस भी बा।