नेपाल के झंडा

टेम्पलेट:Infobox flag नेपाल के राष्ट्रीय झंडा विश्व के एक मात्र अइसन झंडा ह जवन चौकोर या आयताकार नइखे जवन दुगो त्रिकोणिय आकार के ऊपर नीचे रख के बनावल गईल बा। विश्व में एगो अउर झंडा बा जवन चौकोर नइखे उ ह अमेरिका के ओहाइयो के झंडा। नेपाल के राष्ट्रिय झंडा के ऊपरला त्रिकोण में एगो आधा चाँद आ निचला वाली त्रिकोण में एगो सूरज अंकित बा जेकर मतलब बतावल जाला कि जब तक सूरज-चाँद रही तब ले पृथ्वी पर नेपाल के अस्तित्व रही। इ झंडा के किनारा नीला रंग के बा जवन शान्ति के प्रतिक ह। झंडा के बीच के भाग गहरा लाल रंग के बा जवन नेपाल के राष्ट्रीय रंग ह। नेपाल के राष्ट्रीय फूल गुराँस भी एहि रंग के बा। गहरा लाल विजय के प्रतिक भी ह। 1962 तक नेपाल के झंडा पर चाँद आ सूरज पर चेहरा बनल होत रहल। झंडा के आधुनिकीकरण करे खातिर झंडा के चाँद आ सूरज पर से चेहरा के हटा दिहल गईल लेकिन फिर भी राजा आपन झंडा पर चाँद आ सूरज पर चेहरा के प्रयोग राजतंत्र खत्म होखला (2008) तक करत रहले। इ झंडा के 16 दिसम्बर 1962 के अपनावल गईल जब देश के नया संविधान लिखल गईल। ई अनोखा त्रिकोणिय झंडा शताब्दियों से नेपाल में प्रयोग में चलत रहल लेकिन द्वि त्रिकोणिय झंडा के इस्तेमाल 19 वीं शताब्दि से चलन में आइल। झंडा के आज के स्वरुप एकर प्राथमिक स्वरुप से लिहल गईल बा, जेकर प्रयोग 2000 साल पहिले से हो रहल बा।