दुसरा हावड़ा ब्रिज

दुसरा हावड़ा ब्रिज चाहे ऑफिशियल नाँव बिद्यासागर सेतु, बंगाल में कलकत्ता आ हावड़ा के बीचा में हुगली नदी पर बनल एगो पुल बा। ई केबिल पर टिकल पुल हवे आ अपना किसिम के, भारत के कुछ गिनल-चुनल पुल में से एक हवे। ई पुरनका जमाना के हावड़ा ब्रिज के बाद, ओकर लोड कम करे खातिर बनल हवे जेकरे कारन आम लोग एकरा के दूसरा हावड़ा ब्रिज कहे ला। एकर ऑफिशियल नाँव ईश्वरचंद्र बिद्यासागर के नाँव पर रखल गइल हवे।