बर्तोल्त ब्रेष्त
टेम्पलेट:Infobox writer युगेन बर्तोल्त फ्रेडरिष ब्रेष्त (10 फरवरी 1898 — 14 अगस्त 1956) जिनके बर्तोल्त ब्रेष्त के नाँव से जानल जाला, जर्मन रंगमंचकार, नाटककार आ कवी रहलें। जर्मन साम्राज्य के समय में बवेरिया के औग्सबुर्ग में जनमल ब्रेष्त वीमर शासन के दौरान म्युनिख़ में थियेटरकर्मी के रूप में सफल भइलें, ओकरे बाद 1924 में बर्लिन आ गइलेन। इहाँ ऊ कुर्त वे'ल के साथे थ्रिपेनी ओपरा लिखलें आ एकरे बाद ऑस्ट्रियाई कंपोजर हान्स एइस्लर के साथे इनके जोड़ी जमल। एह दौर में ब्रेष्त मार्क्सबादी बिचारधारा अपना लिहलें। ऊ थियेटर से संबंधी सिद्धांत लिखलें (Lehrstücke)।
नाजी काल में, इनका के देसनिकाला में रहे के पड़ल, पहिले ई स्कैंडिनेविया में रहलें आ बाद में दुसरे बिस्वजुद्ध के समय में अमेरिका में। जुद्ध के बीते पर ब्रेष्त पूरबी बर्लिन लवटलें आ उहाँ बर्लिनर एन्सेंबल नाँव के थियेटर कंपनी शुरू कइलेन। एह में इनके मेहरारू हेलेन वी'गल साथ दिहली जे लमहर समय से इनके सहजोगीयो रहली।