जुबिली ब्रिज (भारत)
_by_Piyal_Kundu.jpg){kind=link}
जुबिली ब्रिज (टेम्पलेट:Lang-bn, Jubilee Bridge) भारत के पच्छिम बंगाल राज्य में हुगली नदी पर नैहाटी आ बैंदेल के बिचा में बनल रेलवे पुल बा जे अब इस्तेमाल में नइखे आ एकर जगह नया जुबिली पुल इस्तेमाल हो रहल बा। ई पुल गारीफा आ हुगली टाउन के बीच जोड़ बनावे।
जुबिली ब्रिज के 16 फरवरी 1885 में खोलल गइल रहे, रानी विक्टोरिया के शासन के पचासवाँ (जुबिली) साल पर। एकरे बने के काम 1882 में सुरू भइल आ 1885 में काम पूरा भइल रहे। लंदन टावर ब्रिज के इंजीनियर सर जॉन वूल्फ-बैरी के भतीजा, लेफ्टिनेंट कर्नल आर्थर जॉन बैरी, एकर चीफ इंजीनियर रहलें।[१] ब्रिज के डिजाइन ब्रैडफोर्ड लेजली आ अलेक्जेंडर मीडो रैंडेल के बनावल रहल। इहे ब्रैडफोर्ड लेजली कलकत्ता में पीपा के पुल के भी डिजाइन बनवले रहलें जेकरे जगह सन बयालिस में हावड़ा ब्रिज खुलल।
जुबिली ब्रिज, सेंटीलीवर पुल रहल जेकरा के पूरा तौर पर रिवेटिंग से बनावल गइल रहल आ कहीं भी नट-बोल्ट के इस्तेमाल ना भइल रहे।
17 अप्रैल 2016 के 13141/तीस्ता तोर्सा एक्सप्रेस एह पुल पर से गुजरे वाली आखिरी ट्रेन रहल आ एकरे बाद ट्रैफिक के नया जुबिली ब्रिज प ट्रांसफर क दिहल गइल। कुल 129 साल ले ई पुल सेवा दिहलस आ ई हुगली नदी पर पहिला परमानेंट पुल रहल।
संदर्भ[संपादन करीं | स्रोत संपादित करीं]
बाहरी कड़ी[संपादन करीं | स्रोत संपादित करीं]
- ↑ Frederick Arthur Crisp Visitation of England and Wales, Volume 14, London (1906)