फ्लैश रॉब

फ्लैश रॉब (flash rob) फ्लैश मॉब लूट, संजोजित तरीका से कइल जाए वाला लूट भा चोरी होला जेह में अचानक झटका से ढेर सारा लोग एकट्ठा हो के कौनों दुकान भा स्टोर में घुसे ला आ समान उठा के चंपत हो जाला एह टिपिकल केस में, स्टोर के कर्मचारी लोग अचानक अतना भीड़ देख के घबड़ा जाला आ भीड़ के रोके में नाकाम हो जाला।

अमेरिका में अइसन फ्लैश रॉब के फ्लैश मॉब के नियर रणनीति पर आधारित चोरी भा बेवस्थित लूट के दर्जा दिहल जाला लेकिन एकरे खातिर फ्लैश मॉब शब्दावली के इस्तमाल ना कइल जाला बलुक "मल्टिपल ऑफेंडर क्राइम" के नाँव से बोलावल जाला। एह घटना सभ में फ्लैश मॉब से बिपरीत अक्सर एक दुसरे से परिचित लोग शामिल होला, एहू में अक्सरहा नौछेड़ उमिर के लइका होखे लें।

इहो देखल जाय

• फ्लैश मॉब
• स्मार्ट मॉब