चिनूक
चिनूक भा शिनूक (टेम्पलेट:Lang-en) उत्तर अमेरिका में बहे वाली दू गो लोकल हवा हईं। पहिली किसिम के समुंद्रतटीय चिनूक कहल जाला जे प्रशांत महासागर के सहारे अमेरिका महादीप के उत्तरपच्छिम तट पर सीजनल हवा ह[१] आ ई दक्खिनी-पछुवा नम हवा हवे जेकरा चलते उत्तर अमेरिका के पच्छिमी किनारा पर बरखा आ बर्फ़बारी होखे ला। मूल रूप से चिनूक नाँव एही हवा के रहल।[२] दुसरे किसिम के चिनूक, इंटीरियर शिनूक, अमेरिका आ कनाडा के पच्छिमी इंटीरियर इलाका में बहे लीं जे रॉकी परबत से उतरे वाली गरम, सूखल हवा होखे लीं।
पहिली किसिम के तटीय चिनूक मूल हवा हईं जिनहन के ई नाँव परल; ई सीजन के अनुसार लगातार बहे लीं।[३] दुसरे किसिम वाली इंटीरियर चिनूक सभ के चिनूक नाँव बाद में दिहल गइल आ ई कब्बो-काल्ह बहे लीं।; ई फॉन प्रकार के हवा होखे लीं। ई रॉकी परबत के पूरबी ढाल से उतरे लीं आ इनहन के बहे पर तेजी से बरफ के बास्पीकरण आ पघिलाव हो जाला जेकरा चलते इनहन के "स्नो ईटर" (बरफ खाए वाली) हवा भी कहल जाला।[४] इंटीरियर में बहे वाली हवा सभ के नाँव के उच्चारण शिनूक (टेम्पलेट:IPAc-en) हवे।