मधुछत्ता
मधुमाखी के छाता भा मधुछत्ता मोम के बनल षटकोंण के आकृति के कइयन गो खाना सभ के बनल संरचना होला। ई अक्सरहा प्राकृतिक रूप से फेड़ के डाढ़ भा बिल्डिंग के कोना-किनारा भा छत या बरजा से लटकल देखल जा सके ला। एह षटकोंण खाना सभ के रचना में इस्तेमाल होखे वाला मोम भी मधुमाखी सभ खुदे बनावे लीं, एह मोम से धीरे-धीरे छाता नियर रचना बनावत चल जालीं, एह खाना सभ में या त मधु भरल रहे ला या फिर मधुमाखी सभ के अंडा आ लार्वा होखे लें। लार्वा जबले बड़ ना हो जालें आ पाँख ना जाम जाला, एही मधु पर पले लें।
