करेंसी

करेंसी भा करेन्सी (टेम्पलेट:Lang-en) अपना सभसे बिसेस अरथ में, कवनों अइसन मुद्रा (मनी) के रूप होला जे आर्थिक लेनदेन के कामे आवे आ चलन में होखे; मुख्य रूप से बैंकनोट आ सिक्का सभ एह में आवे लें। आम परिभाषा ई हवे की करेंसी मुद्रा के अइसन सिस्टम हवे जे आम इस्तेमाल में आवत होखे, बिसेस रूप से कौनो देस के लोगन खातिर। एह परिभाषा के तहत अमेरिकी डालर, भारतीय रुपिया आ पइसा, यूरो, पाउंड, दीनार नियर मुद्रा के इकाई सभ करेंसी हईं। एह अलग-अलग करेंसी सभ के मूल्य आपस में बरोबर ना होला बलुक फारेन एक्सचेंज बजार में तय होला। एक तरह से देखल जाय त ई करेंसी सभ सरकारन द्वारा परिभाषित कइल जालीं आ इनहन के चलन आ स्वीकृति सीमित होला, मने कि हर देस के करेंसी हर देस में चले ई जरूरी ना बाटे।