बिकिनी
बिकिनी एगो मेहरारू सभ के पवड़त घरी पहिरे वाला एगो जामा हटे। एकर दुगो हिस्सा होला, ऊपर के हिस्सा दुगो तिरकोन के आकर के कपड़ा के बनल होला जेकरा से स्तन तोपल जाला; आ दोसरका के देह के नीचका भाग तोपल जाला, बाकिर एमे ढोढ़ी आ पिठ लउकत रहेला।
मई 1946 मे, फैशन डिजाइनर जैक हिम एगो दुगो भाग के स्विमसूट (पवड़त घरी पहिरे वाला जामा) बनवलन आ ओकर नांव एटम धइलन आ ई परचार कइलन जे इ दुनिया के सभ से छोट स्विमसूट हटे। ओह घरी के बाकि स्विमसूट लेखा ओमे पेट तोपाइल रहत रहे आ ओकरा बेसी भाव ना मिलल। लुई रिड़ जुलाइ मे अउरी छोट डिजाइन अनलन। ओकर नांव ऊ बिकिनी एटोल जगहा के नांव प धइलन, ओहीजे पहिलका बेरा परमाणु बम के परीक्षण भईल रहे। एह मे देह तनी बेसी लउकत रहे, एह से एकरा कवनो मॉडल ना पेन्हित एहिसे ऊ मिसेलीन बरनाडिन, एगो स्ट्रिपटीज़ (नाचत बजी कपड़ा उतारल) नचनिया के पहिने ला बोललन।
एह मे देह बहुत बेसी लउकत रहे एह से ओ घरी ढेर लोग एके दुसल आ लोग बहुते लहे लहे एकरा सकारल। केतना देसन मे एह डिजाइन के बीच प पहीरे से रोक लगाई दिहल गइल: 1949 मे फ्रांस एह पे लोग लगवलस, जर्मनी मे एहपे 1970 के दसक ले रोक रहल।