गो एयर

गो एयर एगो कम लागत वाला विमान सेवा ह, जवन की भारत की मुम्बई शहर में आइल बा। एकर मालिकी भारत की एगो व्यवसायिक समूह वाडिया ग्रुप की लगे बा। इ फरवरी 2016 में 8% बाज़ार की हिस्सा की साथ भारत क पांचवा नम्बर क विमानसेवा रहल ह। इ नवम्बर 2005 में A320 एयरबस विमान बेडा की साथ संचालन शुरू कइलस। अब अगस्त 2016 ले इ विमान कम्पनी दिल्ली आ मुम्बई हब से रोजाना क 140 उड़ान क संचालन करेले।

इतिहास

गो एयर क शुरुआत सन 2005 में भारतीय उद्योगपति नुस्ली वाडिया क लईका जहाँगीर वाडिया कई न। इ विमान कम्पनी वाडिया समूह क पूर्ण स्वामित्व वाला सहायक कम्पनी ह। इ विमान कम्पनी शुरुआत में सन 2005 में एगो विमान की साथ गोवा से कोयंबटूर सहित कुल 4 जगह खातिर सेवा शुरू कइलस, सन 2008 ले एकर योजना 1 से 36 विमान कइले क रहे।

जनवरी 2013 में इ विमान कम्पनी निवेश बैंक जेपी मोर्गन के भविष्य की निवेशक लोगन क तलाश क काम सौंपलस।

बाजार की हिस्सा और विमानी बेड़ा की मामला में ए विमान कम्पनी क विकास ओही समय में स्थापित इंडिगो और स्पाइस जेट जइसन विमान सेवा प्रदाता कम्पनीयन की तुलना में धीरे भइल। ए पर कम्पनी क सफाई बा की, उ खाली बाज़ार हिस्सा आ विमानी बेड़ा बढ़वले की बजाय विमान सेवा खातिर भारत जैसन मुश्किल आ प्रतियोगी बाजार में लाभ बरकरार रखले प ज्यादा ध्यान लगवलस। इ विमान कम्पनी सन 2016 में शेयर पूंजी की जरिए सार्वजनिक पूंजी जुटवले की तैयारी में बा। जून 2016 में इ कम्पनी आपन 20वां विमान क आपूर्ति लिहलस जवने की साथ इ विदेश खातिर विमान सेवा शुरू करे खातिर योग्य हो गईल।

कॉर्पोरेट मामला

एकर मुख्य ऑफिस भारत की मुम्बई में आइल बा। ए विमान कम्पनी क नवम्बर 2005 में शुरुआत से जहाँगीर वाडिया एकरी प्रबंध निदेशक की तौर प काम कईन। अप्रैल 2016 में वोल्फगैंग प्रोक-सेचुअर जवन की ए विमान कम्पनी क सीइओ रह न, ऊ साथ साथ प्रबंध निदेशक क कार्यभार संभल न।

वेशभूषा

गो एयर क विमान नीला और गुलाबी जइसन कई कलर से रंगल बा, साथ में पीछे की तरफ एकर लोगो बनल बा। 2011 में एकर कलर में भूरा रंग क इस्तेमाल क घोषणा कइल गईल।

गंतव्य

अगस्त 2016 ले, गो एयर भारत में प्रतिदिन 140 और हफ्ता क 975 उड़ान की साथ कुल 22 गंतव्य स्थान पर सेवा देत रहल ह। जून 2016 इ विदेश ले विमान सेवा संचालन खातिर योग्य बनल लेकिन अबले ए तरफ कौनो शुरूआत नइखे भइल।

बेड़ा

गो एयर एयरबस ए320 विमानी बेड़ा क संचालन करेला। जून 2011 में, गो एयर 32,400 करोड़ रूपया क 72 गो ए320 नियो जहाज क ऑर्डर दिहलस जौने क आपूर्ति 2016 से शुरू होखे के रहल ह। गो एयर एकर पहिला ए320 नियो जहाज 1 जून 2016 के पवलस।

सेवा आ सुविधा

कम लागतवाला विमान सेवा होखले की नाते, गो एयर सेवा की दौरान पूरक भोजन उपलब्ध करवले की जगह एके खरीदले क विकल्प देला। इ विमान कम्पनी गो-गेटर नांव से एगो पत्रिका क प्रकाशन करेला जवन इ उड़ान की दौरान उपलब्ध करावेला। इ कम्पनी गो बिजनस नांव से प्रीमियम सेवा उपलब्ध करावेला जवने की तहत अधिक भाड़ा देके यात्री अधिक सुविधा प्राप्त क सकेला, जेमें बैठले की दौरान पैर रखे खातिर ज्यादा जगह, मुफ्त खाना, ज्यादा समान ले जईले क अनुमति, विमान में जगह दिहले में प्राथमिकता जइसन सुविधा शामिल बा। 2011 में, इ कम्पनी गो क्लब नांव से फ्रीक्वेंट फ्लायर कार्यक्रम शुरू कइलस, जेकरी तहत लोंज में प्रवेश, गो बिजनेस में अपग्रेड जइसन लाभ रहे। फरवरी 2014 में ए कार्यक्रम में नया सदस्यता बंद करा गईल।