वेस्टजेट एयरलाइन
टेम्पलेट:Infobox airline वेस्टजेट एयरलाइन कनाडा क एगो कम-लागत वाली एयरलाइन ह जवन की ए देश की अन्य प्रमुख प्रतिद्वंदी एयरलाइन की सस्ता विकल्प की तौर पर शुरू कइल गईल रहे। [१] वेस्टजेट युनाइटेड स्टेट्स, युरोप, मेक्सिको, सेंट्रल अमेरिका और करेबिअन देश की 100 से भी ज्यादा गंतव्य स्थान खातिर नियमित और चार्टर्ड विमान सेवा प्रदान करेले। 1996 मे स्थापित इ एयरलाइन वर्तमान मे एयर कनाडा की बाद देश क दूसरा सबसे पुरान एयरलाइन ह [२] और प्रतिदिन 425 उड़ान की द्वारा 45000 से भी अधिक यात्री लोगन क सेवा करेले।[३] 2013 मे वेस्ट जेट की यात्री लोगन क संख्या 18.5 मिलियन रहे और इ ओ समय में यात्रिन की संख्या की अनुसार उत्तरी अमेरिका क नौवां सबसे बड़ एयरलाइन रहे। वेस्टजेट एगो 10,000 से भी अधिका कर्मचारी वाली सार्वजनिक कंपनी ह, तबो एमे कौनों कर्मचारी संघ नाहीं बा और इ एयरलाइन्स की कौनों गठबंधन क सदस्य भी नाही ह। इ बोईंग 737 अगिला पीढ़ी की तीनो प्रकार की विमान की अलावा कुछ लंबी दूरी वाला रस्तन पर बोईंग 767 क भी संचालन करेले। एकर सहायक एयरलाइन वेस्ट जेट एन्कोर बॉंबर्डियर क्यू 400 क भी परिचालन इहे करेले। एकर मुख्य कार्यालय कॅल्गरी इंटरनॅशनल एयरपोर्ट की बगल मे ही आइल बा।
2015 मे वेस्ट जेट एयरलाइन्स अपनी यात्री सेवा की द्वारा 4.029 बिलियन कनेडियन डॉलर क कमाई कइलस और एकर प्रति शेयर आमदनी 19% बढ़कर 2.92 कनेडियन डॉलर हो गईल।[४] एही साल एके स्काइ ट्रॅक्स द्वारा दुनिया क आठवां और उत्तरी अमेरिका क दूसरा सबसे अच्छे कम लागत वाला विमान सेवा की रूप मे आँकल गईल।[५]
वेस्टजेट एन्कोर संपादन करीं
वेस्टजेट एन्कोर वेस्टजेट क सहायक क्षेत्रीय एयरलाइन ह जवन की 24 जून 2013 के बॉंबर्डियर क्यू 400 की फ्लीट और ट्विन-टर्बोप्रॉप विमानन की साथ आपन सेवा शुरू कइलस।[६]
गंतव्य संपादन करीं
वर्तमान मे वेस्टजेट और वेस्टजेट एन्कोर उत्तरी और मध्य अमेरिका, युरोप तथा करेबिअन की 20 से भी अधिक देश खातिर 100 से ज्यादा गंतव्य स्थान तक उड़ान भरेली स।[७] एमें कनाडा क 36 और युनाइटेड स्टेट्स क 21 शहर शामिल बा। वेस्ट जेट ओरलांडो और लास वेगास की खातिर सबसे अधिक सेवा प्रदान करे वाली कनेडियन एयरलाइन ह। इ ओरलांडो की खातिर कनाडा की विभिन्न शहरन से 11 और लास वेगास की खातिर 12 दैनिक उड़ान संचालित करेले। 2008 की बाद से वेस्ट जेट लास वेगास मे आये वाला यात्री लोगन की संख्या की अनुसार सबसे बड़ अंतरराष्ट्रीय एयरलाइन ह।[८][९]
वेस्टजेट करेबिअन देशन की 20 और मेक्सिको की 7 गंतव्य स्थान (जेमे से कुछ एक खास मौसम खातिर) की खातिर भी सेवा प्रदान करेले।
जुलाई 2015, में वेस्ट जेट 2016 की वसंत ऋतु से लंदन की गॅटविक एयरपोर्ट की खातिर आपन नया बोईंग 767 विमान की साथ सेवा आरंभ कइले क घोषणा कइलस।[१०]
विमान मे मिले वाली सुविधा संपादन करीं
2005 मे वेस्टजेट पहिला बार लाईव टीवी की नांव से अपने बोईंग 737-700 और 800 विमानन मे मनोरंजन सेवा क शुरुआत कइलस। ए मनोरंजन सेवा की खातिर बेल टीवी की सेटेलाइट नेटवर्क क उपयोग कइल जाला और ग्लोबल टीवी, सी टीवी, सी बी एस, सिटी टीवी, ट्री हाउस टीवी, एबीसी, एन बी सी, टी एस एन और एगो वेस्टजेट चैनल (जेमें क्षेत्रीय मानचित्र की अनुसार विमान क वर्तमान स्थान, जी पी एस से प्राप्त उँचाई और गति दर्शावल जाला) देखावल जाला।[११]