अल गोर

टेम्पलेट:Infobox officeholder अल्बर्ट अर्नाल्ड गोर जूनियर (जनम 31 मार्च 1948), जिनका के अल गोर (Al Gore) के नाँव से बेसी जानल जाला, एगो अमेरिकी राजनीतिक नेता आ पर्यावरणवादी बाड़ें जे 1993 से 2001 ले अमेरिका के 45वाँ उप-राष्ट्रपति रहलें आ ओकरे बादो लेखक, वक्ता आ पर्यावरण खातिर काम करे वाला के रूप में चर्चा में रहल बाड़ें। 2000 के अमेरिकी राष्ट्रपति चुनाव में ई डेमोक्रेटिक पार्टी के उमेदवार रहलें आ बहुत मामूली अंतर से हार गइलेन। 2007 में इनके पर्यावरण खातिर काम के चलते (आइपीसीसी के साथे संजुक्त रूप से) शांति के नोबेल इनाम दिहल गइल।^[१]^[२]

सुरुआती जिनगी आ पढ़ाई-लिखाई संपादन करीं

टेम्पलेट:Stack

गोर के जनम 31 मार्च 1948 के वाशिंगटन, डी. सी. में भइल^[३] आ ई 18 बरिस ले टेनेसी के सीनेटर रहे वाला अल्बर्ट गोर सीनियर के दू गो बेटा लोग में दुसरा रहलें। इनके महतारी पाउलिन लाफोन गोर वेंडरबे'ट यूनिवर्सिटी के ला कालेज से ग्रेजुएट होखे वाली कुछ शुरूआती औरतन में से एक रहली।^[४] गोर के परिवार स्कॉटलेंडी-आयरलेंडी मूल के हवे आ इनके पुरखा लोग 17वी-सदी के बीच में अमेरिका आइल लोग आ पहिले वर्जीनिया में बसल आ बाद रिवोल्यूशनरी जुद्ध के जमाना में टेनेसी में आ के बस गइल।^[५] इनके बड़ बहिन नैन्सी के मौत फेफड़ा के कैंसर से भइल।^[६]

अपना इस्कूली पढ़ाई के समय गोर वाशिंगटन डीसी के एम्बेसी रो में फेयरफैक्स होटल में रहें।^[७] गर्मी के सीजन में ऊ अपना फार्म पर जाँस जहाँ इनके परिवार तंबाकू आ हे के खेती करे^[८]^[९] आ गाई-गोरू पोसे।^[१०]

गोर के पढ़ाई 1956 से 1965 ले सेंट अल्बान्स इस्कूल में भइल।^[११]^[१२] गोर अपने फ़ुटबाल टीम के कप्तान रहलें आ, डिस्कस थ्रो में हिस्सा लें, आ बास्केटबालो खेलें।^[४]^[७]^[१३] गोर अपना कालेज में 51 बिद्यार्थी सभ में 25वाँ अस्थान पा के बीए कइलें आ हार्वर्ड कॉलेज खातिर अप्लाई कइलेन जे स्वीकार भ गइल।^[११]^[१२]