पाइथन
टेम्पलेट:Infobox programming language पाइथन (Python) एगो इंटरप्रेटेड, हाइ-लेवल, जनरल-पर्पज प्रोग्रामिंग भाषा बा। एकरा के गुइडो वान रोसम द्वारा बनावल गइल आ ई पहिली बेर 1991 में रिलीज भइल। पाइथन के डिजाइन के पाछे फिलासफी रहे कोड के पढ़लजोग बढ़ियाँ बनावे के, कोडरीडेबिलिटी नीक राखे के जेकरा खातिर एह में खाली जगह, मने कि वाइटस्पेस के ऑफ-साइड नियम द्वारा सिग्निफिकेंट बनावल गइल। भाषा के रचना सिस्टम (कंस्ट्रक्ट) आ ऑब्जेक्ट-ओरिएंटेड एप्रोच के मकसद आ टार्गेट ई हवे कि प्रोग्रामर लोग छोट चाहे बड़, कौनों पैमाना के प्रोजेक्ट खातिर साफसुथरा आ लॉजिकल कोड लिखे में मदद पावे।
पाइथन एगो डाइनामिक टाइप होखे वाली आ गार्बेज-कलेक्शन वाली भाषा हवे। ई कई ठे प्रोग्रामिंग पैराडाइम सपोर्ट करे ले जिनहन में स्ट्रक्चर्ड, ऑब्जेक्ट-ओरिएंटेड आ फंक्शनल प्रोग्रामिंग सामिल बाटे। पाइथन के अक्सरहा "बैटरी इनक्लूडेड" (मने जे में बैटरी सामिल होखे) भाषा कहल जाला काहें से कि एह में बहुत मजिगर स्टैंडर्ड लाइब्रेरी मौजूद बाटे।
पाइथन के बिचार 1980 के दशक में एबीसी भाषा के अगिला पीढ़ी के रूप में सोच में आइल। पाइथन 2.0 जे 2000 में रिलीज भइल, लिस्ट कंप्रीहेंसन आ गार्बेज कलेक्शन नियर फीचर ले के आइल जे रिफरेंस साइकिल के कलेक्शन करे में सक्षम रहल। 2008 में पाइथन 3.0 रिलीज भइल जे बहुत ब्यापक बदलाव के बाद आइल आ पुरनका रिलीज से कंपैटिबल ना रहे जेकरा चलते पाइथन 2 के लिखल कोड बिना सुधार के एह पर ना चल सके वाल हो गइलें।
पाइथन 2 भाषा, जइसे कि 2.7.x के 1 जनवरी 2020 (पहिले 2015 में करे के योजना रहल) से इस्तेमाल भंग क दिहल गइल आ अब एकरा खातिर सिक्योरिटी अपडेट आ अउरी कुल सुधार सभ ना रिलीज होखिहें।[१][२] अब पाइथन 2 के अंत के बाद पाइथन 3.5.x[३] आ एकरे बाद के रिलीज चलिहें।
पाइथन भाषा के इंटरप्रेटर सभ कई ऑपरेटिंग सिस्टम सभ खातिर उपलब्ध बाड़ें। प्रोग्रामर लोगन के बैस्विक लेवल के कम्युनिटी एगो खुला-सोर्स वाली रिफरेंस इम्प्लीमेंटेशन सीपाइथन[४] डेवलप करे आ लागू करे के काम करत बाटे। एगो बिना-लाभखोजी संस्था पाइथन सॉफ्टवेयर फाउंडेशन पाइथन आ सीपाइथन के बिकास के मैनेज क रहल बा आ एकरा खाती संसाधन उपलब्ध करा रहल बाटे।
संदर्भ संपादन करीं
आगे पढ़े खातिर संपादन करीं
बाहरी कड़ी संपादन करीं
टेम्पलेट:Programming languages
- ↑ टेम्पलेट:Cite web
- ↑ टेम्पलेट:Cite web
- ↑ टेम्पलेट:Cite web
- ↑ टेम्पलेट:Cite web "All Python releases are Open Source"