कुवैत एयरवेज़
कुवैत एयरवेज़ कुवैत क राष्ट्रीय वायु सेवा ह, जेकर मुख्यालय कुवैत अन्तर्राष्ट्रीय विमानक्षेत्र की परिसर में स्थित बा।[१] इ कंपनी मध्य पूर्व, भारतीय उपमहाद्वीप, यूरोप, दक्षिण पूर्व एशिया एवं उत्तरी अमरीका में अनुसूचित अन्तर्राष्ट्रीय सेवा संचालित करेले। एकर प्रमुख आधार कुवैत अन्तर्राष्ट्रीय विमानक्षेत्र में आइल बा।
इतिहास संपादन करीं
ए विमान सेवा का इतिहास 1953 मे व्यापारिन की एगो समूह द्वारा कुवैत सरकार की साथ 50:50 की भागेदारी मे शुरू कइल गईल कुवैत नॅशनल एयरवेज़ से शुरू होला।[२] ओही वर्ष ब्रिटिश ओवरसीज एयरवेज़ कॉर्पोरेशन क एगो सहायक कंपनी ब्रिटिश इंटरनॅशनल एयरलाइन्स, जवन की कुवैत मे चार्टर्ड विमान सेवा और रखरखाव संबंधी सेवा प्रदान करे, ओकरी साथ एगो पाँच साल क अनुबंध कइल गईल। दुगो डकोटा विमानन की खरीदारी की साथ 16 मार्च 1954 से सेवा आरंभ हो गईल।[३]
परिचालन की पहिला ही साल में ए विमान सेवा द्वारा 8966 यात्री लोग यात्रा कइल लो। जुलाई 1955 मे एकर नाँव कुवैत एयरवेज़ करा गईल और मई 1958 मे ब्रिटिश ओवरसीज एयरवेज़ कॉर्पोरेशन की साथ प्रबंधन और परिचालन खातिर एगो नया करार कइल गईल। अप्रैल 1959 मे कुवैत एयरवेज़ ब्रिटिश इंटरनॅशनल एयरलाइन क अधिग्रहण क लिहलस।
कंपनी संबंधी मामला संपादन करीं
दिसंबर 2013 की जानकारी की अनुसार कुवैत एयरवेज़ कुवैत सरकार क पूर्ण स्वामित्व वाली कंपनी ह।[४]
मुख्य अधिकारी संपादन करीं
जनवरी 2016 की जानकारी की अनुसार अब्दुल्लाह अल शरहा एकर मुख्य कार्यकारी अधिकारी हवं।[१]
मुख्यालय संपादन करीं
अल फ़रवानियाह गवरनोरेट मे स्थित कुवैत इंटरनॅशनल एयरपोर्ट प कुवैत एयरवेज़ क मुख्यालय बा।[५]
सहायक कंपनियाँ और गठबंधन संपादन करीं
कुवैत एयरवेज़ क कईगो सहायक कंपनी बाड़ी स जवन की कुवैत एयरवेज़ की नियर निजीकरण की प्रक्रिया की अलग अलग चरण से गुजरत बाड़ी स।
- कुवैत एवियेशन सर्वीसज़ कंपनी (KASCO)
- ऑटोमेटेड सिस्टम्स कंपनी. (1989 से जी. डी. एस. प्रोवाइडर)
- ALAFCO
आपन बढ़त माँग और 1990 मे भइल युद्ध की दौरान आपन सेवा चालू रखे खातिर कुवैत एयरवेज़ कई सारा एयरलाइन्स के साथ गठबंधनों कइले बा।
- शॉरौक एयर (2003 मे परिचालन बंद)
- जेट एयरवेज़ (भारत)
- ट्रांस वर्ल्ड एयरलाइन्स (1 दिसंबर 1999 से जे.एफ. के. और शिकागो से कुवैत सिटी की मध्य कोड करार की साथ आरंभ)
गंतव्य स्थान संपादन करीं
नवम्बर 2013 ले, एकरी मुख्य मथक कुवैत अंतर्राष्ट्रीय हवाई अड्डा से, कुवैत एयरवेज एशिया, यूरोप, उत्तरी अमरीका और मध्य पूर्व की 34 अन्तर्राष्ट्रीय गंतव्य स्थान खातिर उड़ान भरे ले।[६]
कोड साझा करार संपादन करीं
निम्नलिखित एयरलाइन कंपनी से कुवैत एयरवेज क कोड साझा करार बा:[७]
- अलीतालिया
- इथियोपियन एयरलाइन्स
- येमेनिया
वर्तमान जहाजी बेड़ा संपादन करीं
जनवरी 2017 एकरी बेड़ा में निम्नलिखित जहाज शामिल रहली स:[८]
एगो एयरबस A300-600, एगो A310-300, एगो A319, एगो A320, दुगो A340-500 और एगो बोईंग 747-8BBJ
वर्तमान विकास संपादन करीं
ऑक्टोबर 2013 में, कुवैत एयरवेज की लगे मध्य पूर्व में सबसे प्राचीनतम में से औसत उम्र 20 साल वाला एगो एयरक्राफ्ट पार्क रहे। ओ महिना में, इ कम्पनी आपन रख रखाव क सुविधा प्रेस के देखे खातिर खोल दिहलस ताकि सभे देख ले की ओकर विमान बेड़ा क रख रखाव कौने तरह से होता, ओकरी पहिले एकर खराब रख रखाव से संबंधित बहुत अफवाह उड़ल रहे। ओही साल की दिसम्बर में इ कम्पनी एयरबस की साथ 15गो A320 नियो और 10 गो A350-900 लिहले क मेमोरेंडम ऑफ़ अंडरस्टैंडिंग साइन कइलस।