आलिया भट्ट
टेम्पलेट:Infobox person आलिया भट्ट (जनम 15 मार्च 1993) एगो भारतीय मूल के, ब्रिटिश नागरिकता वाली फिलिम ऐक्ट्रेस बाड़ी। भट्ट के हिंदी सिनेमा में एक्टिंग करे खातिर बॉलीवुड ऐक्ट्रेस के रूप में जानल जाला। जानल-मानल डाइरेक्टर महेश भट्ट के ई बेटी हई आ अपना काम खाती कई गो पुरस्कार आ अवार्ड पा चुकल बाड़ी जेह में दू गो फिल्मफेयर अवार्ड भी सामिल बाने। भट्ट वर्तमान में (2018) भारत के सभसे बेसी कमाई करे वाली ऐक्ट्रेस लोग में से एक बाड़ी आ 2014 के फोर्ब्स इंडिया सेलिब्रिटी लिस्ट में टॉप 100 में आ 2017 में फोर्ब्स एशिया के टॉप 30 लिस्ट में सामिल भ चुकल बाड़ी।
1999 के थ्रिलर फिलिम संघर्ष में ई बाल कलाकार के रूप में लउकली। एकरे बाद 2012 में करन जौहर के फिलिम स्टूडेंट ऑफ दि इयर से आपन कैरियर के सुरुआत कइली। जौहर के स्टूडियो धर्मा प्रोडक्शंस के साथे इनके जुड़ाव जारी रहल आ एकरे बाद रोमांस फिलिम 2 स्टेट्स (2014), हम्प्टी शर्मा की दुल्हनिया (2014), आ बद्रीनाथ की दुल्हनिया (2017) में काम कइली; ड्रामा फिलिम कपूर एंड संस (2016); आ डियर जिंदगी (2016) में मुख्य भूमिका में रहली। एह फिलिम सभ के हिट होखे के कारन भट्ट के फिलिम इंडस्ट्री में अस्थापित होखे में मदद मिलल आ कई गो पुरस्कार भी जितली। हाइवे (2014) आ उड़ता पंजाब (2016) खातिर इनका के फिल्मफेयर के बेस्ट ऐक्ट्रेस अवार्ड मिलल। 2018 में ई एगो जासूसी थ्रिलर फिलिम राजी में काम कइली जे बाक्स-ऑफिस पर बढियाँ कमाई कइलस।
फिल्मोग्राफी संपादन करीं
| टेम्पलेट:Dagger | चिन्हित फिलिम अभिन रिलीज नइखे भइल |
| साल | फिलिम | रोल | टिप्पणी |
|---|---|---|---|
| 1999 | संघर्ष | प्रीत ओबेरॉय | कैमियो |
| 2012 | स्टुडेंट ऑफ़ द ईयर | शनाया सिंघानिया | |
| 2014 | हाइवे | वीरा त्रिपाठी | साथे "सूहा साहा" गाना के सिंगर |
| 2014 | टू स्टेट्स | अनन्या स्वामीनाथन | |
| 2014 | हम्प्टी शर्मा की दुल्हनिया | काव्या प्रताप सिंह | साथे "समझावाँ अनप्लग्ड" गाना खाती सिंगर |
| 2015 | शानदार | आलिया | |
| 2016 | उड़ता पंजाब | बिहारी नन्दा | फिल्मफेयर अवार्ड मिलल |
| 2016 | कपूर एंड सन्स | प्रिया | |
| 2016 | डियर ज़िन्दगी | कायरा | |
| 2017 | बद्रीनाथ की दुल्हनिया | वैदेही | |
| 2018 | वेलकम टू न्यू यॉर्क | कैमियो | |
| 2018 | राज़ी | सहमत | |
| 2018 | जीरो | खुद | इस्पेशल अपीयरेंस[१] |
| 2019 | गली ब्वाय टेम्पलेट:Dagger | सकीना | पोस्ट-प्रोडक्शन[२] |
| 2019 | कलंक टेम्पलेट:Dagger | TBA | पोस्ट-प्रोडक्शन[३] |
| 2019 | ब्रह्मास्त्र टेम्पलेट:Dagger | TBA | फिल्मांकन जारी[४] |