इंडीगो

टेम्पलेट:Infobox airline इंडीगो एगो भारतीय एयरलाइन कंपनी ह जेकर मुख्यालय भारत में गुडगांव में स्थित बा। इ एगो कम लागत वाला यात्री सेवा ह तथा यात्री परिवहन की हिसाब से देखल जा त इ भारत क सबसे बड़ विमानन सेवा ह, जेकर बाजार साझेदारी अक्टूबर 2016 की आंकड़ा की अनुसार 42.6% बा। इंडिगो भारत में सबसे तेजी से विकसित होखे वाला सबसे कम लागत क यात्री सेवा ह। इ एयरलाइन 41 गंतव्य स्थान खातिर सेवा दिहले की साथ एशिया क दूसरा सबसे बड़ा कम लागत वाला विमान सेवा ह।

इतिहास

इंडिगो क शुरुआत 2006 की शुरुआत में इंटरग्लोब इंटरप्राइज की राहुल भाटिया तथा राकेश एस गंगवाल, जवन की यूनाइटेड स्टेट्स में रहे वाला अप्रवासी भारतीय हलो, की द्वारा कइल गईल रहे। एकर 51.12% स्टेक इंटरग्लोब की पास बा तथा 47.88% गंगवाल क वर्जिनिया स्थित कंपनी कैलम इन्वेस्टमेंट्स की लगे बा। मार्च, 2012 तिमाही की अंत में इंडिगो सबसे अधिका लाभ अर्जित करेवाला एक मात्र एयर लाइन और यात्री संख्या की मामला में देश क दूसरा एयरलाइन बन गईल रहे। 17, अगस्त 2012 के इ बाजार हिस्सा की मामला में जेट एयरवेज के पछाड़ के सबसे बड़ा एयरलाइन बन गईल।

संचालन

इंडिगो दुनिया में सबसे तेजी से बढे वाली कम लागत वाली विमान सेवा में से एक और भारत में सबसे ज्यादा लाभ कमाए वाली विमान सेवा बन गईल। इंडिगो की सफलता क श्रेय ओकरी अनोखा व्यापार मॉडल के जाला जवन की लागत कम क देला। इ एयरलाइन एक ही प्रकार क विमान (एयरबस ए 320) जवन की एक ही तरह क बैठे वाला व्यवस्था की साथ बा क संचालन करेले, एसे चालक दल क प्रशिक्षण और विमान क रखरखाव सरल हो जाला। एयरलाइन एयरबस के कई नया विमानन क खरीद ऑर्डर एक साथ देके प्रति इकाई लागत में और कमी लेअवलस। एयरलाइन विमान के अगला उड़ान खातिर केवल 20 मिनट की अन्दर तैयार कइले की लक्ष्य की साथ काम करेला ताकि इ सुनिश्चित हो सके की विमान कौनों दिन में कम से कम 12 घंटा क उड़ान भरे। कर्मचारी, चेक-इन कर्मचारी की साथ साथ सामान हैंडलर की तौर पर दोहरा भुमिका निभावत लौक जा न स।

पांच साल की संचालन की बाद जनवरी 2011 में इंडिगो के विदेश में संचालन खातिर लाइसेंस मिल गईल। इंडिगो क पहिला अंतर्राष्ट्रीय विमानन सेवा क शुरुआत 1 सितम्बर 2011 के दुबई से दिल्ली खातिर भइल रहे। बाद की कुछ एक सप्ताह में इ अंतर्राष्ट्रीय सेवा बैंकाक, सिंगापुर, मस्कट एवं काठमांडू खातिर नयी दिल्ली एवं मुंबई से शुरू कराईल।

उपलब्ध सेवा

कम लागत वाला सेवा होखले की चलते इंडिगो की कौनों विमान सेवा में बिज़नस क्लास एवं फर्स्ट क्लास क सुविधा नाहीं बा। एमें केवल इकोनोमी क्लास क सुविधा बा जेमें प्रति विमान 180 यात्री लोगन खातिर सीट होला। आपन किराया कम रखे खातिर इंडिगो कौनों प्रकार क निशुल्क भोजन क सुविधा उड़ान के दौरान प्रदान नहीं करेले हालाँकि एमें भुगतान कके उपलब्ध खईले-पियले क सामान खरीदले क सुविधा प्रदान कइल गईल बा। विमान में मनोरंजन क सुविधा उपलब्ध नइखे और हेलो6E नांव क आंतरिक पत्रिका इंडिगो द्वारा प्रकाशित कइल जाला। इंडिगो कुछ ज्यादा किराया लेके प्रिमियम सेवा भी उपलब्ध करावेले।