हैकर

कंप्यूटर हैकर अइसन टेक्नीकल रूप से दक्ष आ सक्षम एक्सपर्ट होखे लें जे कंप्यूटर प्रोग्रामिंग आ कंप्यूटर के समस्या हल क सके लें। ई लोग अपना तकनीकी ज्ञान के इस्तमाल से कंप्यूटर सिस्टम चाहे नेटवर्क में कौनों बाधा भा रोक के पार क सके में सक्षम होला। हालाँकि, एह शब्द के काफी इस्तमाल जनरल अरथ में ना क के "सिक्योरिटी हैकर" लोग खातिर कइल जाला आ खराब नीयत से कंप्यूटर सिस्टम आ नेटवर्क के सिक्योरिटी तूर के पहुँच बना लेवे वाला लोगन खाती भी होला, जबकि तकनीकी रूप से ऊ लोग ब्लैक हैट हैकर कहाला।

हैकिंग के इस्तेमाल कई बेर कानून लागू करे वाली संस्था आ सरकारी संस्था भी करे लीं। ई हैकर लोग के मदद से कंप्यूटर सिस्टम आ नेटवर्क में घुस के जरूरी सबूत आ जानकारी हासिल करे खाती काम करे लीं। उदाहरण खाती कानून लागू करे वाली एजेंसी केहू हैकर के अइसन बेनामी औज़ार भा डार्क वेब के इस्तेमाल से अपराधी लोग के पकडे खाती क सके ले जहाँ हैकर खुदे के अपराधी के रूप में देखा के जरूरी जानकारी हासिल करे ला। कई बेर सरकार सभ दुसरे सरकार के खिलाफ जुद्ध के रणनीति के रूप में भी हैकर लोगन के मदद लेवे लीं। हैकिंग आ साइबर हमला सरकारन के हथियार के रूप में भी इस्तमाल हो सके ला।