इर्तिश नदी
टेम्पलेट:Infobox river इर्तिश नदी (टेम्पलेट:Lang-en) चाहे इरतिश नदी, एशिया महादीप के एक ठो प्रमुख नदी बाटे। ई नदी मंगोलियन अल्टाई परबत से जुंगेरिया इलाका में (चीन के शिनजियांग प्रांत के उत्तरी हिस्सा) से निकले ले, मंगोलिया के बाडर के नगीचे से आ कजाकिस्तान आ रूस के साइबेरिया क्षेत्र में बहे ले जहाँ ई ओब नदी में मिल जाले। ऊपरी हिस्सा में, जबले कि ई कजाकिस्तान के जायसान झील में ना मिले ले, एकरा के कारा-इर्तिश के नाँव से बोलावल जाय जेकर मलतब होला करिया रंग के इर्तिश भा काली-इर्तिश नदी। हालाँकि अब ई इस्तेमाल बहुत चलन में ना रह गइल बा।
इर्तिश नदी के कुल लंबाई टेम्पलेट:Convert बाटे आ एकरे थाला के कुल रकबा टेम्पलेट:Convert बाटे। चूँकि, ई ओब नदी के सहायिका मानल जाले आ दुनों के संगम के बाद आगे नदी के नाँव ओब हो जाला, भूगोल में एह दुनों नदिन के संजुक्त सिस्टम के ओब-इर्तिश सिस्टम कहल जाला। ओब नदी दुनियाँ के सातवीं सभसे बड़हन नदी हवे आ ओब-इर्तिश सिस्टम एशिया के चउथा सभसे बड़हन नदी सिस्टम हवे।[१]