एक्सवीडियोज

टेम्पलेट:Infobox website एक्सवीडियोज (लिखे के तरीका: XVideos) दुनिया के कुछ सभसे बड़हन पोर्न (अश्लील सामग्री) वाली वेबसाइट सभ में से एक बा। ई गंदा बीडियो साझा करे वाली होस्टिंग वेबसाइट हवे। वेबसाइट एगो चेक कंपनी के नाँव से रजिस्टर कइल गइल बा जेकर नाँव डब्लूजीसी होल्डिंग बा। टेम्पलेट:As of, ई दुनिया के 38वाँ सभसे ढेर बिजिट कइल जाए वेबसाइट रहल।

साल 2012 में, अइसन इस्टीमेट कइल गइल कि ई वेबसाइट टेराबाइट प्रति सेकेंड के गती से स्ट्रीमिंग करे ले, ई आँकड़ा लंदन से न्यूयार्क के बीच उपलब्ध नेटवर्क बैंडविर्थ के पनरहवाँ हिस्सा के बराबर रहल।

इतिहास

एक्सवीडियोज एक तरह से मीडिया एकट्ठाकारी के भूमिका अदा करे ला, मने कि अइसन वेबसाइट जे एडल्ट सामग्री तक ठीक ओइसहीं पहुँच उपलब्ध करावे जइसे कि यूट्यूब पर आम जनरल चीज के बीडियो उपलब्ध होला। प्रोफेशनल बीडियो निर्माता सभ से लिहल बीडियो (बहुधा पाइरेटेड भी) आ अनगढ़ बीडियो बनावे वाला लोग के बीडियो सभ के मेरवन एह वेबसाइट पर अपलोड होला। साल 2012 तक ले के जानकारी के मोताबिक, एक्सवीडियोज दुनिया के सभसे बड़हन एडल्ट (अश्लील) सामग्री वाली वेबसाइट रहल, कुल लगभग 4.4 बिलियन पेजव्यू प्रति महीना से ज्यादा देखल जाए वाली वेबसाइट के रूप में। माइंड जीक के मालिक फैबियन थिलमैन एकरा के खरीदे के कोसिस कइलेन हालाँकि, एक्सवीडियोज के फ्रांसीसी मालिक साल 2012 में एकरा खातिर ऑफर कइल गइल $120 मिलियन के रकम के ठोकर मार दिहलें आ प्रस्ताव के रिजेक्ट क दिहलें।

वेब ट्रैफिक आ रैंक

साल 2018 के मार्च में, सिमिलरवेब द्वारा एकरा के 5वाँ सभसे पापुलर वेबसाइट मानल गइल आ एडल्ट कटेगरी में नमर एक के वेबसाइट बतावल गइल।.

सेंसर

भारत

साल 2015 में, कंपनी के भारत सरकार द्वारा लक्ष्य कइल गइल आ 857 'पोर्नोग्राफिक' वेबसाइट सभ के बंद कइल गइल जेह में इहो सामिल रहल, एह लिस्ट में कालेजह्यूमर नियर गैर-पोर्न वेबसाइट भी रहली स।

मलेशिया

साल 2015 में, मलेशिया सरकार द्वारा एक्सवीडियोज के बंद क दिहल गइल, उहाँ के कम्युनिकेशन आ मल्टीमीडिया एक्ट 1998 के उलंघन में पावल जाए के कारण ई कार्रवाई कइल गइल। एह एक्ट में "अश्लील सामग्री" के डिजिटल रूप में साझा करे के मनाही कइल गइल हवे।