काठमांडो घाटी

टेम्पलेट:Infobox UNESCO World Heritage Site काठमांडो घाटी (नेपाली: काठमांडौ उपत्यका, नेपाल भाषा: स्वनिगः, नेपाः गाः) हिमालयी राष्ट्र नेपाल में एगो प्राकृतिक घाटी बा आ एशिया के एगो प्राचीन ब्यापारिक मार्ग के पड़ाव आ सांस्कृतिक रूप से धनी वरासत वाला क्षेत्र बा। एही घाटी में नेपाल के राजधानी काठमांडो स्थित बा आ आसपास के अन्य कई उपनगर सभ के मिला के काठमांडो उपनगरीय क्षेत्र के रूप में नेपाल के सभसे बड़हन आबादी समूह भी बा।

घाटी के सभसे ढेर महत्त्व इतिहासी आ सांस्कृतिक कारण से बा, काहें से कि इहाँ लगभग 130 गो से ढेर अस्थान अइसन बाने जिनहन के हिंदू या बौद्ध धरम में पबित्र मानल जाला आ जहाँ लोग तीरथ के रूप में जतरा करे जाला। एही कारण काठमांडो घाटी के सात गो स्थान (स्मारक सभ) के यूनेस्को द्वारा बिस्व धरोहर स्थल के दर्जा दिहल गइल बा।