खासी भासा

खासी एगो ऑस्ट्रो एशियाई परिवार के एगो भासा हटे, जे भारत के मेघालय राज्य मे बोलल जाला। हेकर बोलवइया लोग असम आ बांग्लादेशो मे भेंटा जइहन। खासी एगो ऑस्ट्रो एशियाई परिवार के भासा हऽ आ दक्खिन पुरूब एशिया के ख्मेर, पलउँग, वियतनामी आ मोन भासा सभ ले हेकर संबंध बावे।

खासी भासा के सोरह लाख लोग भारत भ मे बोलेला। 2005 मे ई मेघालय के कोनो कोनो जिला के काम काज के भासा बनल रहे आ मई 2012 के बादि से यूनेस्को हेकरा ओराए के खतरा होखे वला भासा सभ के सूची मे से निकार दिहलस। एह भासा के भारत के संविधान के आठम अनूसुचि मे सामिल करे के माँग उठेला।

बोलनीहार

खासी बोलनीहार लोग बेसी मेघालय के खासी अउरी जैंतिया के परवतन प भेंटालें। असम आ बांग्लादेश मे कम मात्र मे एकर बोलनिहार लोग बा। 2005 से ई मेघालय के दोसरका राजभासा हटे।

खासी के लैटिन आ बंगाली मे लिखल जाला आ पढ़ावत बजी एह दुन्नों लिपियन के परजोग होखेला।