जूलियस सीजर

टेम्पलेट:Infobox officeholder गायस जूलियस सीज़र (12 चाहे 13 जुलाई 100 ईसापूर्ब — 15 मार्च 44 ईसापूर्ब) एगो रोमन राजनीतिक नेता, सेना के जनरल आ इतिहासकार रहलें। ई ओह दौर में रोम के घटना सभ में सामिल रहलें जब रोमन गणतंत्र (रिपब्लिक) कमजोर होखत रहल आ एही घटना सभ के क्रम में रिपब्लिक के जगह रोमन साम्राज्य के उदै भइल।

जूलियस सीजर के जुद्ध अभियान के गैलिक वार्स के नाँव से जानल जाला। राइन नदी पर पुल बनवावे आ एकरा के पार क के जुद्ध लड़ के इलाका जीते आ इंग्लिश चैनल के पार क के इंग्लैंड तक ले लड़ाई लड़ के जीत हासिल करे वाला सीजर के एह अभियान के अंत 51 ईपू में भइल। 53 ईपू में इनके सहजोगी क्रासस के मौत के साथ गैलिक जुद्ध के पूरा समापन भइल आ रोमन सीनेट इनका के सेना के पद छोड़ के रोम लवटे के आदेस दिहलस आ बिना आदेस के लड़ल जुद्ध सभ खाती गुनाहगार के रूप में उपस्थित होखे के आदेस कइलस। गॉल (एक तरह से वर्तमान फ्रांस) के कमांडर पद छोड़े के मतलब रहल कि सीजर अब जुद्ध अपराध से छूट (इम्यूनिटी) वाला ना रहि गइल रहितें, एकरा चलते सीजर अपना 13वीं लेजियन के साथे हथियारबंद रूप से रूबिकान क्रास क के रोमन इटली में प्रवेश कइलें; गृहजुद्ध भइल आ सीजर के जीत मिलल।

एकरे बाद सीजर कई किसिम के बदलाव सरकार आ शासन में कइलें। एही बदलाव सभ के क्रम में जूलियन कैलेंडर के निर्माण करववलें।

15 मार्च (आइदेस ऑफ मार्च) 44 ईसापूर्ब के सीज़र के हत्या भइल।