टायको ब्राहे

टेम्पलेट:Infobox person टायको ब्राहे (टेम्पलेट:Lang-en; मूल उच्चारण: टाइको ब्राःई; 14 दिसंबर 1546टेम्पलेट:Spaced ndash24 अक्टूबर 1601)) यूरोपियन खगोलशास्त्री रहलें। इनका के सटीक खगोलीय बेध करे वाला खगोलशास्त्री के रूप में जानल जाला, ओह समय तक केहू दूसर एतना सटीक आ बिस्तार से आकाशी चीज सभ के पोजीशन के नाप-जोख करे वाला ना रहल।

ब्राहे के जनम ओह जमाना के डेनमार्क के स्कानिया में एगो ऊँच खानदान में भइल रहे। पढ़ाई-लिखाई बहुत कायदे से भइल आ इनके झुकाव खगोलबिद्या के ओर भइल। बाद में चल के डेनमार्क के राजा दुसरा फ्रेडरिक इनका के एगो दीप पर संपति दिहलें जहाँ ब्राहे आपन बेध करे खाती एगो भवन बनवलें आ कई किसिम के यंत्र अस्थापित कइलेन।

टाइको ब्राहे, कोपरनिकस के सिस्टम आ टालेमी के सिस्टम के मिला के आपन बिचार टाइकोनिक सिस्टम के नाँव से दिहलें जेह में धरती आ आकाश के चीज सभ के मॉडल के रूप में सम्झावल गइल रहे। बिचित्र बात ई रहे कि इनके ख़ुद अपना नापजोख से मालुम रहे कि चंद्रमा पृथिवी के चक्कर लगावे ला आ ग्रह सभ सुरुज के बाकी ई अपना सिस्टम में सुरुज के सेंटर में रखलें।

परसिद्ध खगोलशास्त्री जोहानस केपलर इनके असिस्टेंट के रूप में बहुत दिन ले इनका साथे काम कइलेन आ इनके कइल गइल नापजोख सभ के इस्तेमाल आपन ग्रह के गति के नियम साबित करे में कइलेन।

टाइको ब्राहे आखिरी सभसे महान बेधकरता रहलें जे बिना दूरबीन के आकाशी चीजन के नापजोख करें।