डिजिटल टीवी

डिजिटल टेलीविजन भा डिजिटल टीवी (Digital television भा DTV) में टीवी सिग्नल, जेह में साउंड चैनल भी सामिल बा, के डिजिटल तरीका से प्रसारण (ट्रांसमिशन) होला, मने कि ट्रांसमिशन के डिजिटल तरीका से एनकोड क के भेजल जाला। पुराना समय में एनालॉग टीवी होखे जेह में टीवी चैनल के आडियो-बीडियो के सिग्नल के सीधे रेडियो वेव के रूप में भेजल जाय।

ई नवा तरीका, कलर टीवी के बिकास क्रम में 1950 के दशक के बाद के ईजाद हवे आ डिजिटल टीवी एकही बैंडविर्थ में एक्के साथ कई चैनल के प्रसारण करे में सक्षम होला, आ अउरी कई किसिम के नया फीचर सपोर्ट करे ला जे एनालॉग टीवी में संभव ना रहल। एनालाग से डिजिटल में बदलाव के प्रक्रिया लगभग 2006 के आसपास सुरू भइल आ ज्यादातर ढेर बिकसित देस सभ में ई काम पूरा भ गइल बाटे। बाकी देस अभी बिचबिचवा स्थिति में बाने आ डिजिटल टीवी के अपना रहल बाड़ें। एकरे खाती दुनिया के अलग-अलग देसवन में अलग किसिम के मानक (स्टैंडर्ड) तइयार कइल गइल बाड़ें।

इहो देखल जाय

• इंटरनेट टीवी