दशम झरना

टेम्पलेट:Infobox waterfall दशम भारतीय राज्य झारखंड के राजधानी राँची शहर से कुछ दूरी पर मौजूद एगो झरना बाटे। ई काँची नदी पर बनल झरना हवे जे खुद सुबर्णरेखा नदी के सहायिका हऽ। झरना के ऊंचाई लगभग 44 मीटर बा आ ई राँची के पठार के किनारा पर बने ला; आसपास एकरे पानी के गुंजन सुनाई पड़े ला। काहें से कि राँची पठार के नदी सभ में मुख्य रूप से बरसात में पानी रहे ला ई झरना जून से सितंबर ले ख़ास देखे लायक होला। चूँकि, बरसात आ मानसून के सीजन में एह इलाका में भारी बरखा होला पर्यटक लोग कम आवे आ झरना के आसपास पर्यटक लोग के सभसे ढेर आवाजाही जाड़ा के मौसम में होला।

इहाँ तक पहुँचल आसान बा, राँची-जमशेदपुर सड़क पर राँची से लगभग 40 किलोमीटर के दूरी पर ई जगह पड़े ला।

नाँव

एकरा के दशम भा दसम झरना या फिर दसम घाघ कहल जाला। एकर उत्पत्ती मुंडारी भाषा से बतावल जाले दाः सोङ शब्द से जेकर मतलब पानी नापल या पानी उड़ेलल होला।

इहो देखल जाय

• हुंडरू झरना

बाहरी कड़ी

• दशम झरना, राँची जिला के ऑफिशियल वेबसाइट (ranchi.nic.in) पर। टेम्पलेट:In lang