द पार्क, चेन्नई
द पार्क चेन्नई एगो पांच सितारा डीलक्स होटल ह[१][२] , जवन भारत की चेन्नई में, अन्ना फ्लाईओवर जंक्शन की, तत्कालीन जेमिनी स्टूडियो परिसर में, अन्ना सलाई प स्थित बा। इ होटल, एपीजे सुरेंद्र ग्रुप का हिस्सा ह, एके करीब 1,000 मिलियन रुपया की निवेश से 15 मई 2002 के खोलाइल रहे।[३]
इतिहास संपादन करीं
जहां पार्क होटल आज खड़ा बा उ 1940 ले इतिहासी फिल्म स्टूडियो जेमिनी स्टूडियो क स्थान रहे। इ स्टूडियो के 1940 में आग से भारी नुकसान पहुँचल। बाद में एकर पुनः निर्माण कके फेर से खोलल गईल, ओकरी बाद इ पूरा उपमहाद्वीप में सबसे बढ़िया फिल्म मेकिंग स्टूडियो में से एगो बनल। 1990 में स्टूडियो की कोना में दुगो ईमारत बनली स। 21वी सदी की शुरुआत में, कोलकाता स्थित पार्क ग्रुप ऑफ़ होटल्स एकर अहाता में आइल 3 सितारा सम्पति के खरीद लिहलस और एके 5 सितारा लग्जरी होटल में बदल दिहलस और एके 15 मई 2002 के खोललस। एही साल में ही अन्य ब्लॉक्स की नीलामी क तैयारी इंडियन बैंक द्वारा कइल गईल रहे जेकर रिज़र्व कीमत 930 मिलियन रूपए रखाईल रहे।[४][५]
2010 में होटल क एगो क़ानूनी लड़ाई, ओपन स्पेस रिजर्वेशन भूमि की खातिर, कारपोरेशन ऑफ़ चेन्नई के साथ भइल जेपर की होटल की दीवाल का ढांचा फव्वारन की साथ बनल रहे।
होटल संपादन करीं
ए कला संदर्भित बुटीक होटल में कुल 214 कमरा बान स जे में 127 डीलक्स कमरा, 31 लक्ज़री कमरा, 41 निवासीय कमरा, 6 स्टूडियो सुइट्स, 5 डीलक्स सुइट्स, 3 प्रीमियर सुइट्स तथा एगो प्रेसिडेन्सिअल सुइट्स बा।[६] होटल अपने अतिथि लोगन क खइले पीयले क विशेष सेवा प्रदान करेला, एमें थाई खाना पसंद करे वाला अतिथि लोगन खातिर लोटस नाम क रेस्तरां बा, एकरी अलावा सिक्स ओ वन नामक बार, पास्ता चोको बार, तथा आठवाँ महला पर स्थित एक्वा रेस्तरां भी शामिल बा। शहर की लेदर व्यवसाय की याद में ए होटल में दि लेदर बार नाम से भी एगो बार बा।[७] शोपिंग आदि जरूरत क पूर्ति खातिर एगो शोपिंग आर्केड क निर्माण कइल गईल बा।[८]
पुरस्कार संपादन करीं
2006 में, फोर्ब्स "अट्रीयम", जवनकी पार्क होटल चेन्नई में बा, एके एकरी इटालियन शेफ अंटोनियो कर्लुसियो द्वारा डिजाईन कइल गइल मेनू की साथ, भारत की दसगो सबसे अधिक महंगा रेस्तरां की श्रेणी में रखलस।