नैनीताल

टेम्पलेट:Infobox settlement नैनीताल भारतीय राज्य उत्तराखंड में एगो कस्बा आ पॉपुलर हिल स्टेशन बा। ई नैनीताल जिला के आ कुमाऊँ डिवीजन के मुख्यालयो हवे। एहिजे उत्तराखंड के हाइकोर्ट बाटे आ गवर्नर के निवास अस्थान राज भवन भी बा। पुराना समय में ई संजुक्त प्रांत के गर्मी के सीजन के राजधानी होखल करे।

एकर नाँव एहिजे मौजूद झील के ऊपर पड़ल हवे, झीलवो के नाँव नैनी ताल हवे (ताल मने झील)। शहर बाहरी हिमालय के कुमाऊँ पहाड़ी सभ के अंतर्गत आवे ला आ एह एरिया में अउरियो कई गो छोटहन झील बाड़ी स जिनहन के ताल कहल जाला।

नैनीताल उत्तराखंड के राजधानी देहरादून से 285 किमी के दूरी पर आ देस के राजधानी दिल्ली से करीबन 345 किमी के दूरी पर बाटे। ई 1,938 मीटर (6,358 फीट) के ऊँचाई पर बसल बाटे आ आसपास के सभसे ऊँच चोटी नैना चोटी हवे जेकर ऊँचाई 2,615 मीटर (8,579 फीट) बाटे।