पैरामाउंट पिक्चर्स
टेम्पलेट:Infobox company पैरामाउंट पिक्चर्स कारपोरेशन (Paramount Pictures Corporation), जेकरा पैरामाउंट पिक्चर्स भा खाली पैरामाउंट के नाँव से भी जानल जाला, एक ठो अमेरिकी फिलिम स्टूडियो बा। ई कैलिफोर्निया में मौजूद अमेरिकी फिलिम इंडस्ट्री हॉलीवुड में बा। साल 1994 के बाद से ई वायाकोम नाँव के अमेरिकी मीडिया समूह के सब्सिडरी के रूप में बा।
पैरामाउंट दुनिया के पाँचवा अइसन सभसे पुरान फिलिम स्टूडियो बाटे जे अभिन ले चालू बा।[१] साल 1916 में फिलिम प्रोड्यूसर एडोल्फ ज़ुकोर 22 गो एक्टर आ एक्ट्रेस लोग के साथ कांट्रेक्ट कइलेन आ हर एक के सितारा वाला लोगो से सम्मानित कइलेन, इहे फिलिमी दुनिया के पहिला "स्टार" रहल लोग।[२] साल 2014 में पैरामाउंट अइसन पहिला स्टूडियो बनल जे आपन सगरी फिलिम खाली डिजिटल फारमेट में रिलीज करे वाला बन गइल।[३]
पैरामाउंट, अमेरिकी मोशन पिक्चर्स असोसिएशन के सदस्य भी बा।[४]
इतिहास[संपादन करीं | स्रोत संपादित करीं]
फेमस प्लेयर्स फिल्म कंपनी[संपादन करीं | स्रोत संपादित करीं]
पैरामाउंट पिक्चर्स 1912 में अस्तित्व में आइल जब फेमस प्लेयर्स फिल्म कंपनी के अस्थापना भइल। हंगरी में पैदा एकर संस्थापक, अडोल्फ ज़ुकोर, रहलें जे निकेलोडियन में सुरुआती निवेशकरता लोग में रहलें आ उनके नजर में ई आइल कि कामकाजी समुदाय के लोग के फिलिम बहुत अपील करे ले। डेनियल फ्रोहमैन आ चार्ल्स फ्रोहमैन के साथे पार्टनरसिपी में ऊ पूरा फीचर-लेंथ के फिलिम बनावे के बात सोचलें जे मिडिल क्लास के कामकाजी लोग के पसंद आवे।
एही साल, एगो अउरी प्रोड्यूसर, जेस एल. लास्की, आपन नाया कंपनी सुरू कइलेन जेकर नाँव लास्की फीचर प्ले कंपनी रहल। एकरे खाती ऊ अपना रिश्तेदार सैमुएल गोल्डफिश से पइसा उधार लिहलें; ईहे ब्यक्ति बाद में सैमुएल गोल्डविन के नाँव से परसिद्ध भइलें। लास्की कंपनी फिलिम बनावे खाती एगो अइसन डाइरेक्टर कइलस जेकरा के पहिले से फिलिम बनावे के कवनों अनुभव ना रहल, ई ब्यक्ति रहलें सेसिल बी. डिमिले। डिमिले ऊ ब्यक्ति रहलें जे लॉस एंजेलिस के बगले में हॉलीवुड नाँव के अस्थान पर साइट खोजलें जहाँ कि फिलिम दि स्कवा मैन के शूटिंग कइल जा सके।
1914 में सुरू करे के बाद, लास्की कंपनी आ फेमस प्लेयर्स, दुन्नो आपन फिलिम रिलीज करे खाती एगो स्टार्ट-अप कंपनी के सहारा लिहलें जे पैरामाउंट पिक्चर्स कारपोरेशन रहल। ई स्टार्ट-अप कंपनी ऊटा के एगो थियेटर मालिक डब्लू. डब्लू. हुडकिंसन के रहल जे कई गो छोट फिलिम कंपनी सभ के खरीद के आ बिलय क के एह कंपनी के अस्थापना कइले रहलें। इहो धियान देवे वाली बात बा कि लास्की आ फेमस प्लेयर्स दुनों निजी मलिकाई वाली कंपनी रहलीं जबकि पैरामाउंट एगो कारपोरेशन रहल।
इकाई सभ[संपादन करीं | स्रोत संपादित करीं]
डिवीजन[संपादन करीं | स्रोत संपादित करीं]
- पैरामाउंट लाइसेंसिंग, इंक.
- पैरामाउंट होम मीडिया डिस्ट्रीब्यूशन
- पैरामाउंट फेमस प्रोडक्शंस, डाइरेक्ट-टू-वीडियो
- पैरामाउंट डिजिटल एंटरटेनमेंट
- पैरामाउंट पिक्चर्स इंटरनेशनल
- पैरामाउंट स्टूडियो समूह – भौतिक स्टूडियो आ पोस्ट प्रोडक्शन
- दि स्टूडियो एट पैरामाउंट
- पैरामाउंट ऑन लोकेशन – पूरा उत्तर अमेरिका भर में प्रोडक्शन सपोर्ट सुबिधा
- वल्डवाइड टेक्नीकल ऑपरेशंस - पुरालेख, रिस्टोरेशन आ संरक्षण कार्यक्रम
- पैरामाउंट टेलीविजन
- वल्डवाइड टेलीविजन डिस्ट्रीब्यूशन
- पैरामाउंट पार्क्स & रिजार्ट्स[५]
- पैरामाउंट मोशन पिक्चर्स ग्रुप
- पैरामाउंट पिक्चर्स
- पैरामाउंट प्लेयर्स (जून 2017–) (वायाकॉम मीडिया नेटवर्क्स द्वारा ब्रांड कइल लेबल):
- एमटीवी फिल्म्स
- निकेलोडियन मूवीज
- कॉमेडी सेंट्रल फिल्म्स
- इन्सर्ज पिक्चर्स, बहुत छोट (माइक्रो) बजट फिलिम (मार्च 2015–)
- पैरामाउंट एनीमेशन (2011–अबतक)
- पैरामाउंट वैन्टेज[६]
- पैरामाउंट प्लेयर्स (जून 2017–) (वायाकॉम मीडिया नेटवर्क्स द्वारा ब्रांड कइल लेबल):
- रिपब्लिक पिक्चर्स
फिलिम लाइब्रेरी[संपादन करीं | स्रोत संपादित करीं]
यूनाइटेड स्टेट्स बनाम पैरामाउंट पिक्चर्स, इंक॰ (1948) केस के निर्णय के कुछ साल बाद, म्यूजिक कार्पोरेशन ऑफ अमेरिका (एमसीए) पैरामाउंट पिक्चर्स के सोझा $50 मिलियन में 1 दिसंबर 1949 से पहिले के 750 साउंड फीचर फिलिम सभ देवे के प्रस्ताव रखलस। पैरामाउंट एकरा के बार्गेन के रूप में देखलस काहें से कि एह पुरान फिलिम सभ के कीमत बहुत कम रहल। एंटी-ट्रस्ट चिंता सभ से निपटे खाती एमसीए एह फिलिम सभ के बेचे खातिर ईएमकेए एलटीडी नाँव के एगो देखावटी (डमी) कंपनी बनवलस जे टीवी के फिलिम बेचे। ईएमकेए के फिलिम सभ के लिस्ट में पैरामाउंट मैक्स ब्रदर्स के पाँच ठे फिलिम भी सामिल रहलीं। एह फिलिम सभ में शंघाई एक्सप्रेस, शेड डॉन हिम रोंग, सुलिवान ट्रेवल्स, दि पाम बीच स्टोरी, डबल इमेडिमिटी, दि लॉस्ट वीकेंड अउरी दि हेयरेस जइसन फिलिम रहलीं सऽ।
सभसे ढेर कमाई वाली फिलिम[संपादन करीं | स्रोत संपादित करीं]
|
|
‡—एह में थिएट्रिक रीइशू सभ भी शामिल बाड़ें।
