फोटोग्राफी

टेम्पलेट:Infobox tool फोटोग्राफी एगो कला, टेकनीक आ प्रक्रिया हवे जेह में वास्तविक चीज से टकरा के लवटे वाला रोशनी के कौनों फोटोग्राफिक फ़िल्म भा सेंसर के जरिये रिकार्ड कइ के ओह चीज के तस्वीर (फोटो) हासिल कइल जाला। एह में इस्तेमाल होखे वाला यंत्र भा उपकरण कैमरा हवे जे लेंस द्वारा रोशनी के फिलिम चाहे सेंसर पर एकट्ठा करे ला आ केतना देरी ले ई प्रकाश एह सेंसेटिव सतह पर रिकार्ड होखी एहू पर नियंत्रण करे ला।

फोटोग्राफी के इस्तेमाल बिज्ञान, मैन्यूफैक्चरिंग, मीडिया इत्यादि बिबिध क्षेत्रन में होला। पेशा के रूप में चुने वाला लोग फोटोग्राफर कहाला आ बहुत सारा लोग हाबी आ मनोरंजन के साधन के रूप में भी फोटोग्राफी करे ला। पुराना समय में, फिलिम फोटोग्राफी के दौर में ई महंग काम रहे हालाँकि, अब मोबाइल कैमरा के चलते फोटोग्राफी के चलन बहुत बढ़ गइल बाटे।