बिराटनगर

टेम्पलेट:Infobox settlement बिराटनगर नेपाल के प्रदेश संख्या 1 में एगो महानगरपालिका ह। आ प्रदेश संख्या 1 के अंतरिम राजधानी भी ह। 2011 के जनगणना के हिसाब से ई शहर नेपाल के पांचवा सबसे अधिक जनसंख्या वाला शहर ह। जनसंख्या घनत्व में ई काठमांडू के बाद दुसरका नंबर पर बा। बिराटनगर नेपाल के औद्योगिक राजधानी भी ह जेकर क्षेत्रफल 40.108 मील² (103.88 किमी²) बा। एकर भौगोलिक अवस्थिति 26°28'60"उत्तर 87°16'60"पूरब देशांतर पर बा। ई शहर प्रदेश संख्या 1 के दक्खिनी क्षेत्र (तराई) में मोरंग जिला में पड़ेला। ई नेपाल के राष्ट्रीय राजधानी से 399 किमी पर पूरब के तराई में पड़ेला आ भारतीय अंतराष्ट्रीय सिमा से 6 किमी उत्तर में पड़ेला। 22 मई 2017 के ई शहर के महानगर के दर्जा मिलल ह। ई शहर के महानगर के श्रेणी में लावे खातिर ई में टंकीसिनुवारी आ जहदा-3 के जोड़ल गईल ह, जे से एकर जनसंख्या बढ़ के 240,000 हो गइल ह। ई से पहिले शहर के जनसंख्या 214,000 रहल ह।