ब्रिटिश कोलंबिया

टेम्पलेट:Infobox settlement ब्रिटिश कोलंबिया (टेम्पलेट:Lang-en) कनाडा के तेरह गो प्रांत आ टेरिटरी सभ में सबसे पच्छिमी प्रांत हवे। ई प्रशांत महासागर आ रॉकी परबत के बीचा में बसल प्रांत बा जेकर 2021 में अनुमानित आबादी 5.2 मिलियन (52 लाख) बाटे आ ई कनाडा के तिसरा सबसे बेसी आबादी वाला प्रांत हवे।

ब्रिटिश कोलंबिया के राजधानी विक्टोरिया शहर हवे जे कनाडा में पाँचवाँ सबसे बड़ मेट्रो शहर हवे; हालाँकि, एह प्रांत के सभसे बड़ शहर वैंकूवर हवे जे कनाडा के मेट्रो शहर सभ में आबादी के मामिला में तिसरा अस्थान पर आवे ला। ग्रेटर वैंकूवर के आनुमानित आबादी अक्टूबर 2013 में लगभग 2.5 मिलियन (25 लाख) रहल।

एह इलाका में पहिली ब्रिटिश बस्ती फोर्ट विक्टोरिया रहल जे 1843 में बसावल गइल, एही से सिटी ऑफ़ विक्टोरिया बनल।

ब्रिटिश कोलंबिया के अर्थब्यवस्था प्राथमिक रूप से फारेस्ट्री, खनन, सिनेमैटोग्राफी आ पर्यटन पर निर्भर बाटे। ई एगो प्रमुख समुंद्री ब्यापार वाला क्षेत्र भी हवे। एह प्रांत के बस 5 परसेंट जमीन खेतीबारी लायक बाटे हालाँकि, फ्रेजर घाटी आ ओकनागन में भरपूर खेती होखे ला काहें कि एह इलाकन में कुछ गरम जलवायु बाटे।

बाहरी कड़ी

• Government of British Columbia website
• Tourism British Columbia official website
• BC Government online map archive